Read Rongmei Naga SINGCHAKH 5 Bible Online

SINGCHAKH 5 - Rongmei Naga bible

SINGCHAKH 5

¹RINGHPOUC rui Mousi khou sa the,

²“Naengv nuhmei meicgic ravpuat phunghmei, khuroudui tatmei, khatni theihmei pumc ta kahilouna nthan makmei kathuicna ta zypui khou rui alay ganc nina e twna Isaraelmei guay khou latdanv tii o.

³Ai rui amei nunc khou bammei bamv zypui ti hei sw tanac mak khang mi nthan makmei nunc ti hei ntumei ta pwni nggaanvmei ta pwni alay ganc nina e.”

⁴Isaraelmei nunc rui samei tei piuna hei kumhmei nunc ta tei zypui khou rui alay ganc the.

⁵RINGHPOUC rui Mousi khou sa the;

⁶thowkumhmei rui RINGHPOUC khou lwmnuh makmei swna meic gaanv khat rui gaanv khat ruc khou nkhuailou e thei mi mei tei khuay nai the.

⁷Kamei rui kakhuay kalauhna kapwmna khangclou datmei ruc khou rui panguh khou akhat haaplouna nkhuailoumeipu khang tei tii nina e.

⁸Kum e tiki nkhuailoumeipu tei theic kan the, kariang kaluaic anamei ni maek khe tw e thei mi tii nimei tei RINGHPOUC khang tiina amuh nunc rui sinsw nina e. Mi tiimei hei kakhuay khangc kuak khang lauziuchic tiimei ruc khou tei tii haapmei tuang de.

⁹Isaraelmei rui RINGHPOUC khang nkunmei puatkat swna tii guangmei puatkat guay tei ni mi puatkat tei haamvloumei amuh tei rui sinsw nina e.

¹⁰Amuh kathuicna tei kakhou kakhou tiiloumei puatkat tei kakhang lou nina e.

¹¹Mi tangv RINGHPOUC rui Mousi khou sa the;

¹²Isaraelmei nunc khou heikumna sa o: thowkumhmei gaanv khatpu now rui nkhuaimei chaeng tatna kagaanv khou lwm nuh makmei sw e thei

¹³kata meic gaanv khatpu rui lungcmaanvlouna kapumc sw tanac lou the tiki baanhtyang sin makpui zaeng rui kamei nkamh the.

¹⁴Kagaanv tei rui lwmsina mamavpui tuang nai pwkhou hamh e thei kanow tei nthan bam sini lwmsipui tuang nai e thei

¹⁵nggaanvmei tei rui kanow ta amuh daeng khou nduangh guang nina e. Kat nimei tuang sipian buay kilogram akhat phungc guang nina e; kum e tiki kamei rui mi khou tei Olive thauc liclou nuh mak ge, kalam thu hei tei lwmsimei kagaanv rui nchumhmei tei thay pat khang phungc guangmei puatkat de.

¹⁶Amuh tei rui ntumei ta tei zay guangna ravchapaeng hu khou tei tidinglou nina e.

¹⁷Kamei rui nthanmei dui taniang tamkuak khou liclouna RINGHPOUC tuang pheykai chaengphut tuang taniang asaekc laana ti-nkhuc khang dui khou hei tei lou nina e.

¹⁸Kumlana kamei rui ntumeipui tuang sam tei laa keyna katloumei sipian buay tei kabaanc khou lou nina e. Syang phungc guang nimei nkhucmei dui kuak tei amuh tei kabaanc khou sinna bam puni.

¹⁹Khoutei amuh rui siangdyng lat kumcna samei tei nuh the twna sa khang kamei rui kumna sa puni, “Nang rui nggaanvmei baihmei ta kachuclou mak ge thei mi syang tuang dui hei pwn ni tuang hamh e.

²⁰Kum e tiki nang nggaanvmei baihmei ta kachuclou e thei,

²¹RINGHPOUC rui nang zanc hei nang mei nunc khou syang tuang zanc sw kan di tho.

²²Mi dui hei nang bung khou gutna tingc pat kan di tho khatni nang tuang khurou kangc key kan di tho.” “Ngguay, kum kan di tho” twna ntumei tei rui daw nina e.

²³Khoutei amuh tei rui mi syang tei hy keylouna mi hyloumei tei mi nkhucmei dui khou tei khiu keylou nina e.

²⁴Khaengv ngam lakmei ramrianra tiguang nimei dui tei kamei rui mi ntumei ta tei tizangv makmei hu khou

²⁵amuh tei rui sipian buay tei ntumeipui baanc khou tei rui laana hei tei puanc thauna RINGHPOUC khang katlouna ravchapaeng khou tei lou puni.

²⁶Kamei rui hei tei baankiu akhat ruaina ravchapaeng khou lou puni. Nkhamh khou kamei rui mipui ta tei dui tei tizangv puni.

²⁷Kamei rui nggaanvmei baihmei lev kachuclou khwan e thei, mi dui tei rui kakhang khaengv ngam lakmei ramsu tiguang puni; kabung daic pat puni khatni kakhurouc kangc nchinh gut puni. Kazanc tei kamei nunc khou syang sw puni.

²⁸Kum e tiki kamei kakhuay maek ge thei, kata tikabiu lak ge. Kumna katu kanac puan puancna lungc puni.

²⁹Mi hei now rui nkhuaimei chaeng tatna kagaanv khou lwmnuh makmei sw pwkhou nggaanvmei akhat rui kanow ta tingsiamcna lwmsipui ganv khou sw nimei tuang riak ge.

³⁰Hamh e thei lwmsipui zaeng rui kanow ta mamavmei nai pwkhou amuh tei rui ravchapaeng khou tidinglouna sa bammei riak guay hei taanc ni tuang e.

³¹Kagaanv tei thu khuay khat sini maek ge tiki kanow tei nkhuai e thei mi tuang dandi tei mphang puni.