Read Rongmei Naga SINGCHAKH 7 Bible Online

SINGCHAKH 7 - Rongmei Naga bible

SINGCHAKH 7

¹Mousi rui RINGHPOUC tuang pheykai tei duanclou tang pwkhou kamei rui pheykai lev mi tuang na guay khatni ravchapaeng lev mi tuang na guay khou tei thauh teylouna katgutlou the.

²Mi tangv tei puinac tuang kapy nunc, Isaraelmei kaikhwang guay tuang kapy nunc ni swmei, meicsing chakmei khou kathouc swmei nunc tei

³kaniw tuang puatkat RINGHPOUC khang phungc guang the. Kaniw tuang puatkat kiu: Guaih gari charuk lev guaituamchic 12 e. Gaanv nei rui guaih gari akhat khat khatni kaniw kathuic guaituamchic akhat akhat the. Kaniw rui hei tei katlou tang pwkhou,

⁴RINGHPOUC rui Mousi khou sa the,

⁵“Pheykai tuang taanv khou tei sinsw khang mi puatkat guay tei laalou tho; hei tei Levimei nunc khang kaniw taanc nimei taanv theilayna tii tio.”

⁶Mousi rui mi guaih gari khatni guaichic guay tei Levimei khang tii the.

⁷Kamei rui Gershonmei khang gari kanei guaichic padeih

⁸khatni Merarimei khang gari padeih lev guaichic tachat tii the. Kaniw tuang taanv guay tei Aron nac mpouh Ithamar rui dinhmei theilayna taanh khang e.

⁹Mousi rui Kohatmei nunc khang thu gari ni guaichic ni tii mak ge, kalam thu kaniw thouh swmei nthanmei puat guay tei kaniw bou khou puanc nimei tuang rana khwan e.

¹⁰Ravchapaeng katgutloumei tuang ngai ngay khang ni kapy nunc tei rui puatkat phungc guang the. Kaniw rui kaniw tuang puatkat guay tei ravchapaeng khou katlou khang chamdaanv luailouna bam khou

¹¹RINGHPOUC rui Mousi khou sa the, “Ravchapaeng katgutmei tuang kaipat tii nimei tei tingmik kathuic kapy swmei akhat rui puatkat akhat akhat tiina zaeng 12 kat guang nina e.”

¹²Reymei tingmik khou katuang puatkat katguangmeipu tei Juda kaikhwangmei Amminadab nac mpouh Nashon e.

¹³Katuang puatkat kiu Shekel 130 nritmei daandi tuang tamkuak akhat, Ravkai tuang karith guanmei theilayna tat bammei Shekel 70 nritmei zeisiankuak akhat, kuak nei khou tei thauh loumei ntyan buay lou padik ge.

¹⁴Shekel ruh nritmei agaw lou padikmei kachaekc kuak akhat;

¹⁵rawna khaeng khang guaichiclauna akhat, lauziuchic akhat, khatni tingkwm akhatmei lauziuchiclauna akhat

¹⁶paapc khang khaeng khang ziuchic akhat,

¹⁷akhatni alamvpuatkat khang guaichic kanei, lauziuchic panguh, ziuchic panguh khatni tingkwm akhat mei lauziuchic panguh e. Mi guay hei Amminadab nac mpouh Nashon tuang puatkat khwan e.

¹⁸Kaneimei tingmik khou Zuar nac mpouh Nethanel, Isakar kaituang kapy swmei rui katuang puatkat tei phungc guang the;

¹⁹kamei rui phungc guangmei puatkat kiu; Shekel 130 nritmei daandi tuang tamkuak akhat, Ravkai tuang karith guan bammei rith khou shekel 70 nritmei daandi tuang zeisiankuak akhat, kuaknei khou tei thauh loumei ntyan buay padik ge;

²⁰Shekel ruh nritmei agaw lou padikmei kachaekc tuang kuak akhat,

²¹rawna khaeng khang guaichiclauna akhat, lauziuchic akhat, tingkwm akhatmei lauziunac akhat,

²²paapc khang khaeng khang ziuchic akhat,

²³khatni alamvpuatkat khang guaichic kanei, lauziuchic panguh, ziuchic panguh khatni tingkwm akhatmei lauziunac panguh e. Mi hei Zuar nac mpouh Nethanel tuang puatkat the.

²⁴Kathumhmei tingmik khou Helon nac mpouh Eliab Zebulunmei kai tuang kapy swmei rui puatkat phungc guang dat the.

²⁵Katuang puatkat kiu shekel 130 nritmei daandi tuang tamkuak akhat, Ravkai tuang karith guan bammei rith khou shekel 70 nritmei daandi tuang zeisiankuak akhat, kuak nei khou tei thauh loumei ntyan buay padik ge.

²⁶Shekel ruh nritmei agaw lou padikmei kachaekc tuang kuak akhat,

²⁷rawna khaeng khang guaichiclauna akhat, lauziuchic akhat, khatni tingkwm akhatmei lauziunac akhat,

²⁸paapc khang khaeng khang ziuchic akhat,

²⁹khatni alamvpuatkat khang guaichic kanei, lauziuchic panguh, ziuchic panguh khatni tingkwm akhatmei lauziuchiclauna panguh e. Mi hei Helon nac mpouh Eliab tuang puatkat the.

³⁰Padeihmei tingmik khou Shedeur nac mpouh Elizur, Reuben kaituang kapy swmei rui puatkat phungc guang dat the.

³¹Katuang puatkat kiu shekel 130 nritmei daandi tuang tamkuak akhat, Ravkai tuang karith guan bammei rith khou shekel 70 nritmei daandi tuang zeisiankuak akhat, kuak nei khou tei thauh loumei ntyan buay lou padik ge.

³²Shekel ruh nritmei agaw lou padikmei kachaekc tuang kuak akhat,

³³rawna khaeng khang guaichiclauna akhat, lauziuchic akhat, tingkwm akhatmei lauziunac akhat,

³⁴paapc khang khaeng khang ziuchic akhat,

³⁵akhatni alamvpuatkat khang guaichic kanei, lauziuchic panguh, ziuchic pangu akhatni tingkwm akhatmei lauziuchiclauna panguh e. Mi hei Shedeur nac mpouh Elizur tuang puatkat khwan e.

³⁶Panguhmei tingmik khou Zurishaddai nac mpouh Shelumiel, Simeon kaimei kapy swmei rui puatkat phungc guang dat the.

³⁷Katuang puatkat kiu shekel 130 nritmei daandi tuang tamkuak akhat, Ravkai tuang karith guan bammei rith khou shekel 70 nritmei daandi tuang zeisiankuak akhat, kuak nei khou thauh loumei ntyan buay lou padik ge.

³⁸Shekel ruh nritmei agaw lou padikmei kachaekc tuang kuak akhat,

³⁹rawna khaeng khang guaichiclauna akhat, lauziuchic akhat, tingkwm akhatmei lauziunac akhat,

⁴⁰paapc khang khaeng khang ziuchic akhat,

⁴¹akhatni alamvpuatkat khang guaichic kanei, lauziuchic panguh, ziuchic panguh akhatni tingkwm akhatmei lauziunac panguh e. Mi hei Zurishaddai nac mpouh Shelumiel tuang puatkat khwan e.

⁴²Charukmei tingmik khou Deuel nac mpouh Eliasap, Gad kai tuang kapy swmei rui puatkat phungc guang dat the,

⁴³katuang puatkat kiu, shekel 130 nritmei daandi tuang tamkuak akhat, Ravkai tuang karith guan bammei rith khou shekel 70 nritmei daandi tuang zeisiankuak akhat, kuak nei khou tei thauh loumei ntyan buay lou padik ge,

⁴⁴Shekel ruh nritmei agaw lou padikmei kachaekc tuang kuak akhat,

⁴⁵rawna khaeng khang guaichiclauna akhat, lauziuchic akhat, tingkwm akhatmei lauziunac akhat,

⁴⁶paapc khang khaeng khang ziuchic akhat,

⁴⁷akhatni alamvpuatkat khang guaichic kanei, lauziuchic panguh, ziuchic panguh akhatni tingkwm akhatmei lauziuchiclauna panguh e. Mi hei Deuel nac mpouh Eliasap tuang puatkat khwan e.

⁴⁸Chaneimei tingmik khou Ammihud nac mpouh Elishama, Ephraim kai tuang kapy swmei rui puatkat phungc guang dat the.

⁴⁹Katuang puatkat kiu, shekel 130 nritmei daandi tuang tamkuak akhat, Ravkai tuang karith guan bammei rith khou shekel 70 nritmei daandi tuang zeisiankuak akhat, kuak nei khou tei thauh loumei ntyan buay lou padik ge.

⁵⁰Shekel ruh nritmei agaw lou padikmei kachaekc tuang kuak akhat,

⁵¹rawna khaeng khang guaichiclauna akhat, lauziuchic akhat, tingkwm akhatmei lauziunac akhat,

⁵²paapc khang khaeng khang ziuchic akhat,

⁵³akhatni alamvpuatkat khang guaichic kanei, lauziuchic panguh, ziuchic panguh akhatni tingkwm akhatmei lauziuchiclauna panguh e. Mi hei Ammihud nac mpouh Elishama tuang puatkat khwan e.

⁵⁴Tachatmei tingmik khou Pedazur nac mpouh Gamaliel, Manase kaituang kapy swmei rui puatkat phungc guang dat the.

⁵⁵Katuang puatkat kiu: shekel 130 nritmei daandi tuang tamkuak akhat, Ravkai tuang karith guan bammei rith khou shekel 70 nritmei daandi tuang zeisiankuak akhat, kuak nei khou tei thauh loumei ntyan buay lou padik ge.

⁵⁶Shekel ruh nritmei agaw lou padikmei kachaekc tuang kuak akhat,

⁵⁷rawna khaeng khang guaichiclauna akhat, lauziuchic akhat, tingkwm akhatmei lauziunac akhat,

⁵⁸paapc khang khaeng khang ziuchic akhat,

⁵⁹akhatni alamvpuatkat khang guaichic kanei, lauziuchic panguh, ziuchic panguh akhatni tingkwm akhatmei lauziuchiclauna panguh e. Mi hei Pedazur nac mpouh Gamaliel tuang puatkat khwan e.

⁶⁰Chakiumei tingmik khou Gedeoni nac mpouh Abidon, Benjamin kaituang kapy swmei rui katuang puatkat phungc guang dat the.

⁶¹Katuang puatkat kiu: shekel 130 nritmei daandi tuang tamkuak akhat, Ravkai tuang karith guan bammei rith khou shekel 70 nritmei daandi tuang zeisiankuak akhat, kuak nei khou tei thauh loumei ntyan buay lou padik ge.

⁶²Shekel ruh nritmei agaw lou padikmei kachaekc tuang kuak akhat,

⁶³rawna khaeng khang guaichiclauna akhat, lauziuchic akhat, tingkwm akhatmei lauziuchiclauna akhat,

⁶⁴paapc khang khaeng khang ziuchic akhat,

⁶⁵akhatni alamvpuatkat khang guaichic kanei, lauziuchic panguh, ziuchic panguh akhatni tingkwm akhatmei lauziuchiclauna panguh e. Mi hei Gedeoni nac mpouh Abidon tuang puatkat khwan e.

⁶⁶Zaeng ruh mei tingmik khou Ammishadai nac mpouh Ahiezer kaituang kapy swmei rui puatkat phungc guang dat the,

⁶⁷Katuang puatkat kiu: shekel 130 nritmei daandi tuang tamkuak akhat, Ravkai tuang karith guan bammei rith khou shekel 70 nritmei daandi tuang zeisiankuak akhat, kuaknei khou tei thauh loumei ntyan buay lou padik ge.

⁶⁸Shekel ruh nritmei agaw lou padikmei kachaekc tuang kuak akhat,

⁶⁹rawna khaeng khang guaichiclauna akhat, lauziuchic akhat, tingkwm akhatmei lauziuchiclauna akhat,

⁷⁰paapc khang khaeng khang ziuchic akhat,

⁷¹akhatni alamvpuatkat khang guaichic kanei, lauziuchic panguh, ziuchic panguh khatni tingkwm akhatmei lauziuchiclauna panguh e. Mi hei Ammishadai nac mpouh Ahizer tuang puatkat khwan e.

⁷²Zaeng 11mei tingmik khou Okran nac mpouh Pagiel, Aser kaituang kapy swmei rui puatkat phungc guang dat the.

⁷³Katuang puatkat kiu: shekel 130 nritmei daandi tuang tamkuak akhat, Ravkai tuang karith guan bammei rith khou shekel 70 nritmei daandi tuang zeisiankuak akhat, kuak nei khou tei thauh loumei ntyan buay loupadik ge.

⁷⁴Shekel ruh nritmei agaw lou padikmei kachaekc tuang kuak akhat,

⁷⁵rawna khaeng khang guaichiclauna akhat, lauziuchic akhat, tingkwm akhatmei lauziuchiclauna akhat,

⁷⁶paapc khang khaeng khang ziuchic akhat,

⁷⁷akhatni alamvpuatkat khang guaichic kanei, lauziuchic panguh, ziuchic panguh tingkwm akhatmei lauziuchiclauna panguh e. Mi hei Okran nac mpouh Pagiel tuang puatkat khwan e.

⁷⁸Zaeng 12mei tingmik khou Enan nac mpouh Ahira, Naphtali kaituang kapy swmei rui puatkat phungc guang dat the.

⁷⁹Katuang puat kiu: shekel 130 nritmei daandi tuang tamkuak akhat, Ravkai tuang karith guan bammei rith khou shekel 70 nritmei daandi tuang zeisiankuak akhat, kuak nei khou tei thauh loumei ntyan buay lou padik ge.

⁸⁰Shekel ruh nritmei agaw loupadikmei kachaekc tuang kuak akhat,

⁸¹rawna khaeng khang guaichiclauna akhat, lauziuchic akhat, tingkwm akhatmei lauziuchiclauna akhat,

⁸²paapc khang khaeng khang ziuchic akhat,

⁸³khatni alamvpuatkat khang guaichic kanei, lauziuchic panguh, ziuchic panguh akhatni tingkwm akhatmei lauziuchiclauna panguh e. Mi hei Enan nac mpouh Ahira tuang puatkat khwan e.

⁸⁴Isaraelmei kapy guay rui ravchabamv kat gut khou laaguangmei puat guay kiu mi hei the; daandi tuang tamkuak 12, daandi tuang zeisiankuak 12 akhatni kachaekc tuang kuak 12

⁸⁵daandi tuang tamkuak kathuic tei shekel 130 akhatni zeisiankuak kathuic tei shekel 70 kumna daandi tuang zeisiankuak guay tei Ravkai tuang rith guan bammei rith khou shekel 2,400 nrit the.

⁸⁶agaw lou padikmei kachaekc tuang kuak akhat rui shekel ruh nritmei kuak 12 tuang karith tei Ravkai tuang karith guan bammei rith theilayna guan pwkhou shekel 120 e.

⁸⁷Rawna khaeng khang kat guangmei khouringh nunc kiu: guaichiclauna 12, lauziuchic 12, tingkwm akhatmei lauziunac 12 akhatni mi khou tei gut nimei ntyan buay guay, paapc khang khaeng khang ziuchic 12 e.

⁸⁸Alamvpuatkat khang phungc guangmei kaguayna guaichic 24, lauziuchic 60, ziuchiclauna 60. Mi guay hei ravchabamv kat gutmei khou kat kanmei khouringc nunc the.

⁸⁹Mousi rui RINGHPOUC ta kachuc khang pheykai khou tei gut pwkhou, Latdyng Khuk gwm khou kerubim kanei kak khou rui RINGHPOUC rui kata kachucmei ta chu the.