Read Rongmei Naga MALAKAI 4 Bible Online

MALAKAI 4 - Rongmei Naga bible

MALAKAI 4

¹Ngamparymei RINGHPOUC rui sa e, daihriw swmei khatni meicsi meicroucmei ta tei napgou raw kumc raw nimei ganv guang pw the. Mi nungc kiu kaniw ta raw mutsut kan puni the, kumna ramhkhat na sini raw nsaekclou dat ni tuang hamh the.

²Tiki alat piumei nangniw khang thu, atuang kanloumei ngamv tei nangniw khang neihpat kumc pat puni the, kumna neihriw kumc tigaymei phungc guang puni the. Nangniw tei kakuanc khou rui mpat patmei guaih launa kumc nangniw nyngsw puni the khatni neihla puni the.

³Ai rui taanv swpui nungc kiu, nangniw meicsimei nunc ta ngam puni the, kumna kaniw ta tei mbut ta kumc nangniw rui niibin bam puni the.

⁴“Abangc Mousi rui dincloumei, Isaraelmei kapwm rui piu diu khang Sinai Chyng khou ai rui kakhou tiilou kanmei latdanv khatni latdyn guay tei amuc riu.

⁵“Tiki RINGHPOUC tuang daihmei khatni meic pingmei latzan tingmik kiu guang makmei hu khou, ai rui muhzwng Elija ta nangniw khou thouc guang rey puni.

⁶Kamei rui pu nunc lev nah nunc ta zay kariulou dat puni; kum mak khwan e thei ai nangniw kandic ta swmutlou khang guang pw nimei tuang the.”