Read Rongmei Naga METTHIU 1 Bible Online

METTHIU 1 - Rongmei Naga bible

METTHIU 1

¹Abraham nac mpouh khatni David nac mpouh Jisu Khrista lungc keymei kairiang chakh:

²Abraham rui Isak puanc e; Isak rui Jakob puanc e; Jakob rui Juda puanc e;

³Juda rui Tamar khou rui Perez lev Zera puanc e; Perez rui Hezron puanc e; Hezron rui Aram puanc e;

⁴Aram rui Aminadab puanc e; Aminadab rui Nashon puanc e; Nashon rui Salmon puanc e;

⁵Salmon rui Rahab khou rui Boaz puanc e; Boaz rui Rut khou rui Obed puanc e; Obed rui Jessi puanc e.

⁶Jessi rui guangh David puanc e; David rui Uria now swloumeipui khou rui Solomon puanc e;

⁷Solomon rui Rehoboam puanc e; Rehoboam rui Abija puanc e; Abija rui Asa puanc e;

⁸Asa rui Jehoshaphat puanc e; Jehoshaphat rui Jehoram puanc e; Jehoram rui Uzzia puanc e;

⁹Uzzia rui Jotham puanc e; Jotham rui Ahaz puanc e; Ahaz rui Hezekia puanc e;

¹⁰Hezekia rui Manase puanc e; Manase rui Amaan puanc e; Amaan rui Josia puanc e;

¹¹Josia rui Jehoiakhin khatni kachana nunc Babilon thangc nym tatpui ganv khou puanc e.

¹²Babilon thangc rui guang datpui tangv Jekhonia rui Shealtiel puanc e; Shealtiel rui Zerubbabel puanc e;

¹³Zerubbabel rui Abiud puanc e; Abiud rui Eliakim puanc e; Eliakim rui Azor puanc e;

¹⁴Azor rui Sadok puanc e; Sadok rui Akhim puanc e; Akhim rui Eliud puanc e;

¹⁵Eliud rui Eleazar puanc e; Eleazar rui Matthan puanc e; Matthan rui Jakob puanc e;

¹⁶Jakob rui Khrista twna kawmei Jisu ta puanhmei Meri gaanv Josep puanc e.

¹⁷Kumna Abraham khou rui David nganvmei meickin ruhna padeih e, David khou rui Babilon thangc tatmei nganv meickin ruhna padeih e, khatni Babilon thangc tatmei khou rui Khrista nganvmei khou meickin ruhna padeih e.

¹⁸Jisu Khrista puanhmei kiu mi hei kumcna pat khwan e. Kapui Meri tei Josep khaamv swna, kaney guang lungc kariu makna bam khou, Meri tei Bumaengh Nthanmei ngamv khou rui kapumc nrit the twmei thay pat the.

¹⁹Kagaanv Josep tei ravchaptatmeipu lapui zaeng rui, Meri ta kandihmei mav khou tichangamclou nii mak lana kalat kalu maekna taanlou ni the twna kalung dinglou bam khwan e.

²⁰Kamei mi kumcna kakhanh bam khou, zauclo, Poubauhmei tuang baanchara akhat kamang khou guangna sa khwan e, “David nac mpouh Josep, nang Meri ta laa khang ping riu, kalam thu kamei kapumc nrit bammei tei Bumaengh Nthanmei ngamv khou rui de.

²¹Kamei nah mpouh puanc puni, kumna nang rui kazanc Jisu twna phuak nina e; kalam thu kamei rui kamei nunc ta kaniw paap guay khou rui kanlou puni.”

²²“Zauclo, liuchang tei kapumc nrit lana nah mpouh akhat puanc puni, kumna kazanc Immanuel kaw puni,” (mi kabac kiu thu “Ravguangc aniu ta bam nduanghlou bam e” twna e) twna Poubauhmei rui muhzwng khou rui salou kanmei tei tiguang tangh khang mi guay hei patmei tuang khwan e.

²⁴Josep tei zipthauna, Poubauhmei tuang baanchara rui samei tei piuna Meri ta kakai khou laaguang the.

²⁵Tiki mi nac mpouh tei puanh mak saanv kamei kanow khou tatlou mak khwan e. Kumna kamei rui kazanc Jisu twna phuaklou the.