Read Rongmei Naga ROMMEI 16 Bible Online

ROMMEI 16 - Rongmei Naga bible

ROMMEI 16

¹Aniu tanpui Phoibi hei Kenkhria phwamling tuang siamruaimei meicgaymeipui e.

²Nangniw kata Ravguangc mei swna Poubauhmei zanc khou laalou o khatni kakhang kage naimei bamv guay khou nkhavlou tio; kamei hei meic mpeyna ta ni, ata ni nkhavlou bammeipui e.

³Khrista Jisu tuang siamruai taanv khou taanc nchamcmei Priska lev Akuila khang dwan gay kady e.

⁴Kaney akhang rui theic duaklou tuang e. Ai kaney ta thuancku e— arana hamh e, Zentelmei phwamling guay rui ni thuancku bam e.

⁵Kakai khou kariu bammei phwamling khang tei ni dwan gay kady e. Asia kandih khou Khrista khou lwmlou rey liangmei, ai rui nzianmei Epaneta khang dwan gay kady e.

⁶Nangniw khang taanv taanc ranvna taancloumeipui Maria khang dwan gay kady e.

⁷Ai lev kangkai khou bam nchamcmei Jihudimei Andronika lev Junia[17] khang dwan gay kady e. Kaney hei latdiutatmei pang khou meic guayna rui thaymei nei e khatni kaney hei asuangc ni Khristamei sw reymei nei e.

⁸Poubauhmei khou ai rui nzianmei Ampliata khang dwan gay kady e.

⁹Khrista khang taanv taanc nchamcmei Urbana lev ai rui nzianmei Stakhu khang ni dwan gay kady e.

¹⁰Khrista khang lungc lyanloumeipu Apelle khang dwan gay kady e. Aristabulla kai kaikhuncmei guay khang ni dwan gay kady e.

¹¹Jihudimei Herodion khatni Narkisa kai kaikhuncmei Khristian chana guay khang ni dwan gay kady e.

¹²Poubauhmei taanv taanc bammei Truphaina lev Truphosa khatni Poubauhmei khang taanv ranvna bammeipui nzianmei Parsi khang ni dwan gay kady e.

¹³Poubauhmei rui kapahloumeipu Rupha khatni apui swna ni bammei kapui khang ni dwan gay kady e.

¹⁴Asinkrita, Phlegonta, Harmi, Patroba, Harma khatni kaniw lev bammei chana guay khang ni dwan gay kady e.

¹⁵Philoga lev Julia khang, Neria lev katanpui khang, Olimpa khatni kaniw lev bammei nthanmei guay khang dwan gay kady e.

¹⁶Nangniw khat khat ta kaputna dwan gay kady o. Khrista tuang phwamling guayna rui nangniw khang dwan gay kady e.

¹⁷Chanathiu, kalangv patmei nunc khatni nangniw khou dincloumei riakdyn tei hamhmei rui meic nunc tuang lwmmei ta tiphaysuy bammei nunc khou tei rui ramhthayna bam o, kumna kaniw khou rui ducna bam o.

¹⁸Mi kumhmei nunc hei aniu Poubauhmei Khrista tuang siamruai swmei nunc hamh e; kaniw bung khang taanhmei nunc e. Kaniw mwang animei khatni ndeihmei tei rui ramh thay makmei nunc ta guat re.

¹⁹Nangniw thu gaychamv tei sin ntip bam the twmei meic guayna chu bam tuang the, kumna mi khang tei rui ai nangniw ruc khou neihla bam tuang e. Nangniw gaymei khou ningtyngmei nunc khatni simei khou khuay maekmei nunc swmei ta ai kahaw e.

²⁰Chuzaenghmei tiiloumei Ravguangc rui Seitaan ta nangniw phaypav bangc khou niak piaklou zay puni the. Aniu Poubauhmei Jisu tuang zauzian nangniw khou naimei sw diu.[18]

²¹Ai lev taanv sw nchamcmei Timothi rui nangniw khang dwan gay kady e; ai kumhmei Jihudimei Lukia, Jason khatni Sospatar rui ni dwan gay kady e.

²²Mi tatdyn hei hymei Tartia ai rui ni Poubauhmei khou nangniw khang dwan gay kady e.

²³Akaibangpouc khatni phwamling kaibangpouc Gaia rui nangniw khang dwan gay kady e. Kaidai tuang syanrypouc Erasta khatni aniu chana Kuarta rui ni nangniw khang dwan gay kady e.[19]

²⁵Reydouc rui ndauhlou makna lou bammei, tiki ntaw thu muhzwng nunc rui hyloumei khou rui khatni meic guayna lwmna piu khang zaat guayna khou dinc ndauhlou tho twna tingsaeng Racguangc rui kalatdanv patloumei thei layna ndauhloumei, ai rui dinc ndauh bammei Jisu Khrista tuang gaychamv thei layna nangniw ta sw ntiplou ngammeipu,

²⁷kanei makmei, thay ngam parimei Racguangc hei Jisu Khrista paan rui tingsaeng hymdaic diu. Amen.[20]