Read Rongmei Naga 1 KORINMEI 5 Bible Online

1 KORINMEI 5 - Rongmei Naga bible

1 KORINMEI 5

¹Nangniw pang khou lungcmaanvmei, rav baihmei ta kalummei nunc rui nganvna taan numei— kapu now ta zip nduangh bammei nai e twmei ai chu e.

²Nangniw lungh kabiuna, mi kumhpui mei ta tei nangniw pang khou rui ganc pat nimei phaan, nangniw gaengh sw bam tu cho?

³Apumc nangniw khou rui ducna bam sini, bumaengh khou ai nangniw pang khou bam e; ai nangniw pang khou bam kumcna, mi kumhmei si kanmei taanv taanhpui mei ruc khou tei aniu Poubauhmei Jisu zanc khou atuang latzan keylou kan the. Nangniw guang kariupui ganv khou, abumaengc ni guang kazauh the; aniu khou nai bammei Poubauhmei Jisu tuang ngamv rui,

⁵mi pu ta tei, Poubauhmei Tingmik nungc kabumaengc na thu kanlou khang, kapumc ta swmaan khang Seitaan baanc khou tiipatlou nina e.

⁶Nangniw mi kumna gaengh sw bammei hei nchumh mak ge! Khay katitna rui ntyan dwm kapwm tei tipuangc thau e twmei nangniw thay mak nah cho?

⁷Nangniw hei khay kazauh makmei nthanmei tyandwm kathanc sw khang, khay raan tei laa ganc o. Kalingna nangniw hei khay kazauh makmei tyan the, kalam thu Kaanpatpui Ngai tuang lauziunac Khrista ta khaenglou kan the.

⁸Kum thena, karaeng zauczihmei khatni simei khay kazauh makmei, lungh nthanmei khatni nchumhmei rui nthanmei tyan swna, Kaanpatpui Ngai ngay di kho.

⁹Ntu nggaanv khou mphuammei nunc ta duang sw riu twna atuang tatdyn khou tei nangniw khou hy kan the.

¹⁰Ai rui sa bammei hei thu, lungcmaanv lungcmow bammei, agaamv agah bammei, kaihouc laugut bammei, ravmaengc kalum bammei, rav baihmei ta kalummei mbaanv ta tei hamh e. Kum e thei nangniw mi mbaanv khou rui tat pat nina di the.

¹¹Ai rui samei kiu thu, Khristamei zanc hei phungc lana lungcmaanv lungcmow bammei, agaamv agah bammei, ravmaengc kalum bammei, latsic latrouc sa bammei, zouh mba bammei, kaihouc laugut bammei—mi kumhmei nunc ti hei kariu karuai bam lak nina e twpui tuang e. Mi kumhmei nunc ti hei tu nchamc zangv nchamcna ni bam lak nina e twpui tuang e.

¹²Kalam thu phwamling paengc thangc bammei nunc ta thu latzan sw bam khang athouc hamh e. Phwamling khou bammei nunc ta tei thu nangniw latzan sw nina hamh nah cho?

¹³Kapaengc thangc bammei nunc ta thu Ravguangc rui latzan sw kan ni de. “Meicgay makmei ta tei thu nangniw pang khou rui laa ganc o.”