Read Rongmei Naga EPHISIAMEI 1 Bible Online

EPHISIAMEI 1 - Rongmei Naga bible

EPHISIAMEI 1

¹Ravguangc rui ningmei thei layna Khrista Jisu tuang latdiutatmei swmei Paul khou rui— Lwmnuhmei swna Khrista Jisu khou bammei Ephisiamei Ravguangc mei nunc khang hymei:

²Aniu Pu Ravguangc khatni Poubauhmei Jisu Khrista rui nangniw khang zauzian khatni chuzaenghmei tiilou diu.

³Aniu Poubauhmei Jisu Khrista Pu khatni kaRacguangc ta thuancku kho! Kalam thu kamei rui bumaengh suaihiam guay Khrista khou bammei aniu khang tiilouna aniu ta tingkauh kandic khou suaihiamlou the.

⁴Khrista Jisu khou bammei paan rui Ravguangc mei sw khang mbaanv damh mak khou rui kamei rui aniu ta kapahlou the. Mi hei aniu kahu khou nthanmei khatni khanvbamv maekmei sw khang e. Nzianpui zaeng rui,

⁵Khrista paan rui aniu ta kanac nunc tiswlou khang Ravguangc kalungdinglou tangna kapahlou the. Mi hei kamei kahawmei khatni ningmei e.

⁶Katy kamanv maekna, nzianmei kanac mpouh paan rui zauc nzianloumei hymdaihmei kazauzian khang hei aniu Ravguangc ta thuancku kho!

⁷Kalam thu Khrista zei paan rui aniu ta thuakpatlou the, twmei thu, aniu paap kuaklou the. Kazauzian daihmei paan rui,

⁸kamei rui heidi daicna aniu khang swlou the! Kamei ramh guayna thayna khatni howna,

⁹Ravguangc kamei rui sw ni twna dingloumei raeng tei taanc the, kumna Khrista paan rui tiguang tangclou nimei katuang meic thay mak khwanmei raeng tei aniu khou ndauhlou the.

¹⁰Mi kaganv tangc pwkhou tiguang tangclou nimei raeng kiu thu, tingkauh khatni kandih khou nai bammei ramh katana hei zay guang kariuna, Khrista rui kapyswmei bangc khou lou khang e.

¹¹Ramh guayna hei Ravguangc tuang raeng khatni kamei rui ningloumei thei layna taanc the. Kumna Ravguangc kamei rui thaurey khou rui dingloumei raeng thei layna Khrista khou aniu kamei sw khang Ravguangc rui aniu ta kapahlou the.

¹²Hei zaeng rui Khrista khou rigwnmei nai reymei aniu Ravguangc hym thuanc kho!

¹³Kalingmei lat, kanloumei tuang gaychamv tei chu lana Khrista khou lwmloumei nangniw khou ni nrianhloumei Bumaengh Nthanmei tei tiilouna, nangniw hei katuang mei the twmei ndauhlou the.

¹⁴Bumaengh tiiloumei hei, Ravguangc rui kamei nunc khang nrianhloumei tei aniu suai makna laa puni the twmei tuang e, khatni mi hei rui Ravguangc rui kamei nunc khang nthuihmei thuakloumei tiilou puni twmei tuang e. Aniu kahym thuanc kho!

¹⁵Hei zaeng rui, nangniw Poubauhmei khou lwmmei ramlum khatni Ravguangc mei nunc ta nzianmei ramzian lam guay tei chu pwkhou,

¹⁶ai huayneymei khou, nangniw zaeng khang rui taek makna thuancku bam e.

¹⁷Nangniw Ravguangc ta thay mbu khang ningting khatni ndauhloumei tiilou nimei Bumaengc nangniw khou tiilou khang, aniu Poubauhmei Jisu Khrista Racguangc hymdaihmei Pu khou ai huayney bam e.

¹⁸Nangniw tuang lungning laancpatlouna, nangniw ta kawloumei hei tabui ta rigwn bam khang cho, Ravguangc rui kamei nunc khang adih charynmei suaihiam chamdaanvlou cho,

¹⁹khatni kakhou lwmloumei aniu khou adih daihmei pumtan rui taanv taanc bam cho twmei nangniw thay khang ai huayney bam e.

²⁰Aniu khou taanv taanclou bammei mi pumtan hei, kamei rui Khrista ta tiringcthaulouna tingkauh kandic khou katuang baanzat thangc tidungclou kanmei khou sinswmei ngammei pumtan tei e.

²¹Mi kandic khatni guang nimei kandic khou naimei ngamv tuang zancphuakh guay khou daic liangmei zancphuakh phungcna mi khou tei Khrista tingkauh tuang dihsinmei nunc, ngamvsinmei nunc, pumtan naimei nunc, khatni kaipouc nunc ruc khou kaipouc swna sin bam e.

²²Ravguangc rui ramh guayna Khrista ngamv bangc khou lou the khatni ramh guayna ta sinmei Khrista kamei phwamling khou kapy sw khang kakhou tiilou the.

²³Phwamling hei Khrista pumc e, kabamv kathuic khou ramh guayna ti-nthuihloumei Khrista ta tinthuihloumei pumc e.