Read Rongmei Naga JOSHUA 12 Bible Online

JOSHUA 12 - Rongmei Naga bible

JOSHUA 12

¹Isaraelmei nunc rui Jordan tuang neihpat biak kandic, Arnon nzaengc khou rui Jordan nzaengc khatni dihpy thangc Hermon Chyng nganv rih ngamna laa the. Kaniw rui mi kandic khou guangh kanei ta zaw tisilou the.

²Gaanv khat kiu thu Amormei Sihon twmeipu e, kamei rui Heshbon khou bamna Gilead tuang ramv kapaek Aroer ramv tuang Arnon duithuak nzaengc khatni mi nzaengc tuang kachung khou rui Amonmei tuang ramvrei Jabbok duithuak nganv kaguanghdic swna sin khwan e.

³Hei tei Jordan tuang neihpat biak Galili zeiclat khou rui theihmei duipui nganv khatni Beth Jeshimot khou rui Pisga tuang dihba kakhum keymei nganv kazauh the.

⁴Kaniw rui Bashanmei guangc Og ta ni zaw tisilou the. Kamei hei liantuangh zaat khou nkhamhmei Rephaim twna kawmei zaat re. Kamei Ashtarot khatni Edrei kaidai ta sinmei guangc e.

⁵Kaguanghdic hei Hermon Chyng, Saleka, Bashan ramv kapwm Geshur lev Maaka ramvrei nganv, Gilead kapaek, Heshbonmei guangc Sihon tuang ramv nganv e.

⁶Mi guangc kanei ti hei Mousi lev Isaraelmei nunc rui zaw tisilou the. RINGHPOUC bangc Mousi rui kaney ramv tei Reuben, Gad khatni Manase kaikhwang paek akhat khang nzanhlou the.

⁷Joshua rui Isaraelmei ta nduanghna Jordan neihkey ramv khou lungc bammei guangh nunc ta rih ngamlou the. Kaniw rui Lebanon nzaengc khou naimei Baalgad kaidai khou rui thauna dihba biak thangc Edom ramv khou naimei Halak chyng nganvmei ramv khou lungc bammei guangh nunc ta ngamna laa the. Mi ramv tei Isaraelmei kaikhwang guay rui tingsaeng kaniw tuang sw bam khang Joshua rui nzanhlou the.

⁸Joshua rui kaniw khang nzanhloumei kandic kiu chyngramv, neihkey chyngphay ramv, Jordan nzaengc khatni mi tuang chyngphay ramv, Neihpat zaydaanhmei chyngramv, dihba thangc ramvkaengv ramv nganv kazauh the. Mi ramv khou hei Hittimei, Amormei, Kanaanmei, Perizimei, Hivimei khatni Jebusimei lungc bam khwan e.

⁹Isaraelmei rui kabangc khou kaidai guay tuang guangc nunc ti hei rih ngamlou the: Jeriko, Ai,

¹⁰Jerusalem, Hebron,

¹¹Jarmut, Lakis,

¹²Eglon, Gezer,

¹³Debir, Geder,

¹⁴Horma, Arad,

¹⁵Libna, Adullam,

¹⁶Makkeda, Bethel,

¹⁷Tappua, Hepher,

¹⁸Aphek, Lasharon,

¹⁹Madon, Hazor,

²⁰Simron Meron, Akshap,

²¹Taanak, Megiddo,

²²Kedes, Jokneam (Karmel khou),

²³Dor (Duipui tin khou), Goyim (Galili khou),

²⁴khatni Tirza. Kaguayna guangh 31 re.