Read Rongmei Naga JOSHUA 16 Bible Online

JOSHUA 16 - Rongmei Naga bible

JOSHUA 16

¹Josep kikta khang tiiloumei ramv hei Jeriko daeng khou naimei Jordan khou rui kahouhna Jeriko neihpat biak nganv mi khou tei rui tazikramv tat nganghna ramvrei hei Jeriko khou tei rui Bethel tuang chyngramv nganv e.

²Bethel khou rui Luz kaidai khou pat the kumna Arkmei lungc bammei kaidai Atarot Addar khou kaan pat the.

³Mi khou tei rui neihkey biak thangc Japhletimei nunc ramv kaan gutna Beth Horon anaphay, mi khou tei rui Gezer, mi khou tei rui duipui khou keysow nganvlou the.

⁴Heikumna Josep kiktamei, Manase lev Ephraim kaney ramv laatow kan e.

⁵Ephraimmei ramv rui mi hei the; mi kiu neihpat biak thangc Atarot Addar khou rui karuc Beth Horon,

⁶mi khou tei rui duipui nganv key tangc e. Dihpy biak thangc karih patna Taanat Shilo akhatni neihpat biak thangc pat hay hayna Janoa nganv pat tangc e.

⁷Mi khou tei rui thu Janoa khou rui Atarot akhatni Naara mi khou tei rui Jeriko tat kahi keyna Jordan dui khou key sowlou the.

⁸Tappua tei ramvrei swna mi khou tei rui neihkey biak Kana duithuak nzaengc kumlana duipui khou tei nganvlou the. Mi hei Ephraim kaikhwangmei tuang ramv guay the.

⁹Manase tuang ramv khang tiiloumei lungc khou tei rui sini kaidai azuh namv azuh Ephraim kaikhwangmei nunc rui laatow kan e.

¹⁰Tiki Gezer kaidai khou bammei Kanaanmei ta thu kaniw rui alay ganc ngam mak ge, kum tina aseic nganvna Kanaanmei nunc hei bangh swna Ephraimmei pang khou lungc kariu bam e.