Read Rongmei Naga JOSHUA 19 Bible Online

JOSHUA 19 - Rongmei Naga bible

JOSHUA 19

¹Ramv nzanhmei tei kaneimei liang khou Simeon kaikhwangmei khang nzanhlou the. Kaniw tuang ramv tei Juda kaikhwangmei khang tiiloumei ramv pang khou tei kalangv khat tiilou the.

²Mi lungc khou tei Beersheba, Sheba, Molada,

³Hazar Shual, Bala, Ezem,

⁴Eltolad, Bethul, Horma,

⁵Ziklag, Beth Markabot, Hazar Susa,

⁶Beth Lebaot, khatni Sharuhen, mi kaidai 13 hei, kadaeng daeng khou naimei namvdai guay lev kazauhna mi ramv khou tei kazauh the.

⁷Heina hamhna baihmei kaidai padeih: Ain, Rimmon, Ether, khatni Ashan, khatni kadaeng daeng khou naimei namvdai guay lev twna kaniw khang tiilou muay the.

⁸Mi ramv lungc khou tei dihba biak thangc Baalat Beer, Rama twna ni kawmei kaidai key nganvmei khou naimei kaidai guay khatni namvdai guay kazauh the.

⁹Simeon kaikhwangmei guay hei Juda kaikhwangmei khang tiiloumei ramv khou tei kadam laatow tuang e kalam thu Juda tuang dam hei kaniw mei chuath suangc daic mbu khwan e.

¹⁰Kathumhmei liang khou Zebulun kaikhwangmei khang nzanhlou the. Dihba biak thangc Sarid kaidai key nganvmei ramv tei Joshua rui kaniw khang tiilou the.

¹¹Sarid khou tei rui neihkey biak thangc Mareal nganv key e, mi khou tei rui Dabbeshet kahi towna Jokneam daeng khou naimei duithuak khou key sowlou e.

¹²Sarid tuang neihpat biak thangc rui Kislot Tabor tuang ramvrei thangc pat the, hei khou tei rui Daberat kaidai khou patna Japhia nganv ngangh the.

¹³Hei khou tei rui neihpat biak thangc nganghna Gat Hepher khatni Ethkazin kaidai ngangh tangc pwkhou, Rimmon chaeng khou Nea kaidai

¹⁴dihpy biak kaniw tuang ramvrei tei Hannathon kaidai biak thangc nganghna Iphtahel nzaengc khou nganvlou the.

¹⁵Mi lungc khou hei Kattat, Nahalal, Simron, Idala, khatni Bethlehem: mi kaidai 12 hei khatni kadaeng daeng khou naimei namvdai guay kazauh the.

¹⁶Zebulun khang tiiloumei ramv lungc khou tei mi kaidai guay khatni mi kaidai guay tuang namv guay hei the.

¹⁷Padeihmei liang khou Isakar kaikhwang khang nzanhlou the.

¹⁸Katuang ramv thu Jezreel, Kesullot, Shunem,

¹⁹Hapharaim, Shion, Anaharat,

²⁰Rabbit, Kishion, Ebez,

²¹Remet, Engannim, Enhadda, Bethpazez

²²Tabor, Shahazuma, akhatni Beth-shemes, kumna ramv tei Jordan duithuak khou nganvlou the. Kaguayna kaidai 16 khatni kadaeng khou naimei namv guay ni kazauh the.

²³Mi hei Isakar kaikhwang khang tiiloumei kaniw tuang kaikhunc sing theilayna laatowmei ramv nunc the.

²⁴Panguhmei liang khou Aser kaikhwang khang nzanhlou the.

²⁵Mi ramv lungc khou tei Helkat, Hali, Beten, Akshap

²⁶Allammelek, Amad, khatni Mishal neihkey biak thangc tuang ramvrei tei Karmel lev Shihor Libnat pat kahi tangc e.

²⁷Kaniw tuang ramvrei neihpat biak karih ngangh datna Zebulun ramv khatni Iphtahel nzaengc khou Bethemek lev Neiel kaidai dihpy biak chaeng kaan nganghna Bethdagon kaidai khou nganghlou the. Dihpy biak ngangh datna Kabul,

²⁸Ebron, Rehob, Hammon, khatni Kana, kaan nganghna Sidon kaidai nganv ngangh tangc e.

²⁹Hei khou tei rui Rama biak karih ngangh datna raengh raengloumei Tur kaidai ngangh tangc the. Hei khou tei rui Hosa kaidai biak karih key datna Mediterranean duipui khou sowlou the. Mi lungc khou tei Mahalab, Akzip,

³⁰Umma, Aphek, Rehob kaidai ni kazauh the. Kaguayna kaidai 22 hei khatni kadaeng daeng khou naimei namvdai guay hei

³¹Mi tuang kaidai guay khatni namv guay hei Aser kaikhwang khang tiiloumei lungc khou kazauh the.

³²Charukmei liang khou Naphtali kaikhwang khang nzanhlou the.

³³Kaniw tuang dihpy ramvrei hei Helep kaidai khou rui thauna Zaanannim kaidai tuang mphauh bang nganv patna Adaminekeb, Jamnia khatni Lakkum kaidai khou patlouna Jordan duithuak khou sowlou the.

³⁴Kaniw tuang ramvrei neihkey biak thangc Aznot-Tabor tatkaan keyna Hukkok khou key sowlou e, mi lungc khou tei dihba thangc Zebulun, neihkey biak thangc rui Aser khatni neihpat biak thangc Jordan ta kahitow e.

³⁵Kaniw tuang kaidai guay thu Ziddim, Zer, Hammat, Rakkat, Kinneret,

³⁶Adama, Rama, Hazor,

³⁷Kedes, Edrei, Enhazor,

³⁸Yiron, Migdalel, Horem, Bethanat, khatni Beth Shemes: mi raengh raengloumei kaidai 19 khatni kadaeng daeng khou naimei namvdai guay hei the.

³⁹Mi kaidai guay khatni kadaeng daeng khou naimei namvdai guay tei Naphtali khang tiiloumei ramv lungc khou kazauh the.

⁴⁰Chaneimei liang khou Dan kaikhwang khang nzanhlou the.

⁴¹Kaniw tuang ramv tei Zora, Estaol, Irshemes,

⁴²Shaalbim, Aijalon, Ithla,

⁴³Elon, Timna, Ekron,

⁴⁴Elteke, Gibbethon, Baalat,

⁴⁵Jehud, Beneberak, Gathrimmon,

⁴⁶Mejarkon, khatni Rakkon kaidai guay hei khatni Joppa daeng khou naimei ramv guay kazauh the.

⁴⁷Tiki katang thangc zauczihmei nunc rui kaniw ramv tei laa kan the, kum tina Danmei nunc tei dihpy biak thangc nganghna Lais kaidai ta adow the. Kaniw rui mi kaidai tei adowna, meic nunc ta tei swluai the, kumna kaniw rui mi kaidai zanc tei kaniw pupouc zanc khou Dan twna phuaklou the.

⁴⁸Mi kaidai guay khatni mi tuang namvdai guay tei Dan kaikhwang khang tiiloumei ramv khou nai the.

⁴⁹Isaraelmei gaanvthaih nunc tei rui ramv tei nzanh luai guang pwkhou, kaniw rui Nun nac mpouh Joshua khang ni ramv langv akhat tiilou the.

⁵⁰RINGHPOUC tuang latdanv theilayna, kamei rui neymei kaidai Ephraim tuang chyngramv khou naimei Timnat Sera tei kakhang tiilou the. Kamei rui mi kaidai tei kasiamh dat lana khou tei lungc the.

⁵¹Amuh Eleazar, Nun nac mpouh Joshua khatni Isaraelmei kaikhwang guay tuang gaanvthaih nunc rui Shilo khou, RINGHPOUC tuang pheykai kaimun khou san zaucna mi ramv guay hei nzanh patmei tuang the. Heikumna kaniw rui ramv tei nzanh luailou the.