Read Rongmei Naga 2 THESOLONIKAMEI 1 Bible Online

2 THESOLONIKAMEI 1 - Rongmei Naga bible

2 THESOLONIKAMEI 1

¹Paul, Sila khatni Timothi rui— Thesalonika phwamling khou bammei aniu Pu Ravguangc khatni Poubauhmei Jisu Khrista mei guay khou hymei:

²Pu Ravguangc khatni Poubauhmei Jisu Khrista rui nangniw khou zauzian khatni chuzaenghmei tiiloumei sw diu.

³Chanathiu, nangniw zaeng rui Ravguangc ta thuancku tanh tan bam rap khang nai e. Kalam thu nangniw lwmmei khou mpeyna daicthau bam the khatni nangniw kathuicna khat khat ta nzianmei mpeyna mbu thau bam the.

⁴Hei zaeng rui nangniw lam khou aniw Ravguangc tuang phwamling guay khou gaenghsw bam tuang e. Nangniw rairiumei khatni ryanramei azuh ariw bam sini, nangniw ding ntip bammei khatni lwm ntip bammei khang tei aniw gaenghsw bam tuang e.

⁵Ravguangc tuang latzan thu nchumh e kumna nangniw katuang guangcdic khang biuhmei nunc sw puni the twmei mi hei rui nthanna lyan e. Kalam thu nangniw ryanra khaengv bammei hei Ravguangc guangcdic khang rui e.

⁶Ravguangc rui nchumhmei taanclou puni: nangniw ta swryanra bammei nunc khou tei ryanramei tiguang puni.

⁷Ryanra khaengv bammei nangniw ta ni, aniw ta ni kamei rui tizaengthaekclou puni. Mi hei Ravguangc ta thay makmei nunc khatni Poubauhmei Jisu Khrista tuang gaychamv ta laalou makmei nunc ruc khou kalatzan keylou khang Poubauhmei Jisu Khrista, ngammei kauh baanchara nunc ta nduanghna maibwang khou guangpui nungc kiu hei tei pat puni.

⁹Kaniw ruc khou tingsaeng maanmei tuang latzan keylou puni. Poubauhmei pamv khou rui khatni katuang hymdaihmei pumtan khou rui kaniw ta ganc pat puni.

¹⁰Mi kiu katuang mei nunc rui kahym thuanh khang khatni lwmmei nunc rui kata chakhwang champouhlou khang keypui nungc kiu pat puni. Mi lwmmei pang khou kiu nangniw ni kazauh puni. Kalam thu aniw rui dincloumei chamv tei nangniw lwmlou the.

¹¹Hei zaeng rui, aniw nangniw khang huayney tanh tan bam tuang e. Nangniw ta kawloumei panty khou tei nangniw lungc ngam khang aniu Racguangc rui nkhavlou khang aniw huayney tanh tan bam e. Nangniw taanc nii bammei guay tei khatni nangniw tuang lwmmei taanv guay tei katuang pumtan paan rui taanc pat nthuih ngam khang huayney bam e.

¹²Kum pwkhou, nangniw rui aniu Poubauhmei Jisu zanc tikgunc tidaiclou khang e khatni nangniw tikgunc aniu Ravguangc khatni Poubauhmei Jisu Khrista[1] zauzian paan rui tidaiclou khang e.