Read Rongmei Naga 1 TIMOTHI 4 Bible Online

1 TIMOTHI 4 - Rongmei Naga bible

1 TIMOTHI 4

¹Nkhamhpui ganv khou meic gaanvsaekc thu lwmmei mpatlouna guatmei bumaengc nunc lat khou khatni ravsic nunc tuang riakdyn khou lunghgut tat kan puni twna Bumaengh rui nthanna salou the.

²Mi kumhmei latdyn guay hei, kaniw tuang nkhuai nzih thaymei lungning tei mai raw haenghmei ntanc rui kabic ndyloumei, saraamhmei, meicguatmei nunc tei rui dinc the.

³Kaniw rui nowkawmei nchumh mak ge twna nchamlou e khatni nchumhmei ta thaymei lwmmei nunc rui thuanckuna tu khang Ravguangc rui damcloumei taektw asaekc ta tu nuh mak ge twna nchamlou e.

⁴Kalam thu Ravguangc rui damcloumei puat guay gaymei rana de, ganc pat khang ramhkhat sini maek ge, tiki ramh guayna tei thuanckulouna tu nina e.

⁵Kalam thu Ravguangc lat khatni huayneymei rui hei tei nthanmei taektw sw the.

⁶Nang mi latdyn guay hei lwmmei chana guay khou nchamlou bam e thei, khatni nchumhmei lat khatni nang piu bammei riakdyn tei rui nang ta taektw kumcna makuat thau bam e thei, nang Khrista Jisu tuang gaymei siamruaimei sw puni.

⁷Tiki Ravguangc tuang hamhmei damc duancpui tuang pary khou tei rui nang thu ducna bam o. Hei tei gaengmei tuang hamh e; tiki nang thu ravning chuyna lungh khang karamc o.

⁸Meic pumc gay khang swmei hei gaengmei tuang asaekc nai e; tiki ravning chuy khang swmei thu kalam katana khou gaengmei nai e. Hei tei rui ntaw panty khang ni, thei thangc panty khang ni gaeng e.

⁹Mi hei kalingmei lat re, laalou rap nipui lat re.

¹⁰Mi khang rui aniu karamc ranvna taanc e, kalam thu meic guayna khang, nkunna lwmmei nunc khang kanloumeipu ringhmei Racguangc khou rui aniu rigwnna bam e.

¹¹Mi guay hei piu nina e twna sa o khatni nchamlou tio.

¹²Nang ta alauc de twna meic nunc rui mala mak khang sw o. Nang latsav khou, kheiliak khou, lwmmei khou khatni nthanmei khou lwmmei guay lay nzeic nuhpui lwnlung khou lungc o.

¹³Ai guang mak saanv Nthanmei Latrik mathiuc khou pacloumei, chamvdinhmei khatni nchamloumei khou lungh gutna sw bam o.

¹⁴Gaanvthaih nunc rui nang ruc khou baanh sungclou khou tei ravmundincna salou kanmei nang khou naimei kaipat tei nang ntaamv riu.

¹⁵Nang khou mbu thaumei tei meic guayna how khang mi guay hei nang lungh gutna taanc bam o.

¹⁶Nang rana nang ta ni, nang rui nchamlou bammei latdyn ta ni zauc chuy o. Nang mi kumna sw bam e thei, nang rui nang ta ni, nang lat nking bammei nunc ta ni kanlou puni.