Read Rongmei Naga IBRIMEI 3 Bible Online

IBRIMEI 3 - Rongmei Naga bible

IBRIMEI 3

¹Ravguangc rui kawlou muaimei nthanmei chanathiu! Aniu laaloumei lwmriak tuang tingkuc sw khang Ravguangc rui ndiu guangmeipu Jisu ta kakhanh o.

²Mousi hei kakhou tiiloumei taanv tei lwmnuhmei swna Ravguangc kai khou taanc kanmei kumcna, Jisu ni mi kakhou tiiloumei taanv hei Ravguangc khang lwmnuhmei swna taanclou kan the.

³Kai kasiamhloumeipu ta tei kai ta suangc chakhwangswmei kumcna, Jisu ti hei Mousi ta suangc mbuna chakhwang sw nipui thouc e.

⁴Kai kathuic hei meic gaanv khat rui kasiamhlou tuang e. Hei tei kumcna Ravguangc hei ramh guayna kasiamhloumeipu e.

⁵Mousi hei Ravguangc kaikhunc kapwm khou lwmnuhmei tamthiwmei swna, thei thangc Ravguangc rui sa nimei tei sameipu e.

⁶Tiki Khrista thu kanac mpouh swna Ravguangc kaikhunc tamvpypouc e. Aniu rui rigwnmei khou tei tangkhyn makna ntipna bam e thei, aniu hei Ravguangc kaikhunc mei e.

⁷Hei zaeng rui, Bumaengh Nthanmei rui sa e: “Nangniw aseic Ravguangc khwan chu e thei,

⁸nangniw pupouc nunc Ravguangc lat liamna, kaniw rui tazikramv khou Ravguangc ta nchanv kanmei tei kumcna, nangniw sw riu.

⁹Kaniw tingkwm riakdei ataanv hou khwan sini, mi khou tei kaniw ata nchanv the.

¹⁰Hei zaeng rui ‘Kaniw athei lay nii mak khe khatni alat piu zat mak khe,’ twna kaniw ta lungh puamcna ai sa kan the.

¹¹‘Ai rui kaniw ta zaeng ti-nthaekclou nimei kandic khou tei, kaniw ta tigut lak khe!’ twna alungpuamcna kalaic dat lakpui lat sa kan the.”

¹²Chanathiu, nangniw thowkumhmei khou simei khatni lwm makmei lung naina, hei tei rui nangniw ta ringhmei Racguangc khou rui sw ntamvlou mak khang kasiaththay o.

¹³Paapc tuang guatmei rui nangniw lung titanh mak khang, “Aseic” twna kawmei ganv hei nai bam khou, nangniw tingmik kathuic khat khat ta katiu karyna bam o.

¹⁴Kalam thu thaurey khou aniu lwmloumei tei katwan nganvna mi khou tei aniu lwm ntip bam e thei, aniu hei Khrista tuang dam tei lay laa nimei nunc e.

¹⁵“Nangniw aseic Ravguangc khwan chu e thei, nangniw pupouc nunc rui latliamna sw kanmei tei kumcna, nangniw lung tanh rio.” twna hylouna nai e.

¹⁶Ravguangc lat chu lana liammei nunc kiu thow tei cho? Mousi thei Izip khou rui tat patmei nunc tei hamh nah cho?

¹⁷Kaniw ruc khou tingkwm riakdei Ravguangc lungpuamc guang kanmei nunc kiu thow tei cho? Paapc taancna tazikramv khou theic kanmei nunc tei hamh nah cho?

¹⁸“Kaniw ta zaeng ti-nthaekclou nimei kandic khou tei kaniw ta tigut ni tu hamh the,” twna Ravguangc rui samei kiu thow ta cho? Latliammei nunc ta tei hamh nah cho?

¹⁹Kumna kaniw lwm makpui zaeng rui mi kandic khou tei kaniw gut ngam kan mak khe twmei aniu how the.