Read Rongmei Naga IBRIMEI 5 Bible Online

IBRIMEI 5 - Rongmei Naga bible

IBRIMEI 5

¹Tingkuh guay hei maansei makaamv khou rui kapah lana, meic nunc phaan Ravguangc siamruai sw khang, puatkat kat khang khatni paapc khang khaeng khang suangloumei nunc e.

²Kamei hei ni kalam katana khou suanmei nai lapui zaeng rui thay makna taanc maanvloumei guay khang lungh zaenghna kakhanhlou ngam e.

³Kamei kahak ni suanmei lapui zaeng rui, meic nunc paap khang na hamhna kapaap khang ni kamei khaeng mak nuh mak ge.

⁴Meic gaanv khat na sini tingkuh sw ni twna karana sw nuh mak ge; Aron ta kumcna Ravguangc rui kawloupui thei layna sw nina de.

⁵Hei tei kumcna Khrista ni karana rui tingkuh bamv hei laa tu hamh e, tiki “Nang hei anac mpouh e, aseic thu ai hei nang pu di the.” twna sameipu rui suanglou tuang e.

⁶Kumna kabam akhat khou, “Nang hei Melkhizedek tuang amuc lang khou,[4] tingsaeng amuh sw puni,” twna ni hylouna nai e.

⁷Jisu kamei mbaanv pumc swna bampui douc, kata theic nimei khou rui gulou ngammeipu khou kapna kaucna huay khwan e. Kamei Ravguangc ta pingmeipu tipui zaeng rui kamei huayneymei tei chulou khwan e.

⁸Kamei Ravguangc nac mpouh khwan sini, latpiuna ryanramei khaengvlou the.

⁹Kumna kathouc taanc nthuihlou lana kamei kalat piumei guay khang tingsaeng ringcbamv tiiloumeipu sw the,

¹⁰khatni Ravguangc rui kata Melkhizedek amuc lang khou[5] tingkuh swna suanglou the.

¹¹Mi lam khou hei sa khang mpeyna nai he, tiki nangniw khou thay niimei tuang maekpui zaeng rui, nangniw khou dinc bam khang kungc the.

¹²Ntaw thu nangniw meic nunc khang nchamlou bam biuhpui ganv di the, tiki nangniw khang Ravguangc tuang kabangbi latdyn guay tei nchamlou khang kage nai bam di he. Nangniw naptanh tu ngam makmei, noucdui na kage naimei angana mbaih the.

¹³Noucdui na zangv bammei tei thu angana di he; kaniw si gay thay ngam mak he.

¹⁴Tiki naptanh hei thu, chada zauc lana tabui tei simei cho khatni tabui tei gaymei cho twmei thaymei meicphamei nunc khang e.