Read Rongmei Naga IBRIMEI 6 Bible Online

IBRIMEI 6 - Rongmei Naga bible

IBRIMEI 6

¹Hei zaeng rui Khrista tuang kabangbi latdyn guay tei ganclouna meic phamei panty latdyn khou gut di kho. Theihmei taanv guay khou rui lungh laicna Ravguangc khou lwmloumei tuang,

²duilupmei[6] khatni baanh boucloumei tuang, ringcthau datmei tuang khatni tingsaeng latzan tuang latdyn guay tei na kathai hanc dat datna bam ri di kho.

³Ravguangc rui nuhlou e thei aniu hu thangc tat gut khang sw ni the.

⁴Kalam thu tigaanclou tang kanmei, tingkauh tuang kaipat mbap tang kanmei, Bumaengh Nthanmei laatow muay kanmei,

⁵khatni Ravguangc tuang lat ramgai khatni guang nimei kandic tuang pumtan mbap tang kanmei kaniw rui,

⁶lwmmei tei mpatlou dat kan e thei, kaniw ta tilunghlaic guang dat khang kachaeng maek khe. Kalam thu kaniw rui Ravguangc Nac Mpouh ta kros khou thaengcluai kaluaih datna, kata meic guay hu khou swzaklou dat re.

⁷Kakhou katupcna riu keyloumei ting tei rimlou lana kai lau taanhmei nunc khang phunling phunlu nthailouna bammei kandic tei Ravguangc suaihiam laatow e.

⁸Tiki hei tei sauh raengh rana thau pat bam e thei, syang keylou khang kaganv ana the. Hei tei mai ntei maan puni.

⁹Nzianmeithiu, aniw mi kumcna sa bam sini, nangniw khang thu lwmsi tuang maek khe; nangniw khang ringhbamv nai the twmei aniw thay the.

¹⁰Ravguangc thu nchumhmeipu de. Nangniw tuang taanv khatni Khristamei makaamv ta kazanc khou rui nangniw rui nkhavlou bammei nangniw ramzian hei kamei amuclou ni tu hamh e.

¹¹Nangniw tuang rigwnmei tei guang tangh khang, mi kumna nangniw tuang lungh gutmei hei katwan nganv nangniw kathuic khou nai bam khang aniw kahaw e.

¹²Lwmna khatni khaengvthayna Ravguangc rui nrianhloumei laa kanmei nunc tei kumcna nangniw aliauh key makna, lunghmei ta aniw kahaw e.

¹³Ravguangc rui Abraham khou latryan swlou khou, kakhang suangc daihmei nai dat ti makpui zaeng rui karana kazanc saancna,

¹⁴“Ai rui nang ta suaihiamlou puni, kumna nang kikta tikingc nkiuclou puni,” twna latryan swlou khwan e.

¹⁵Abraham tei khaengvthayna nkhwan pui paan rui, mi latryan tei laatow kan the.

¹⁶Meic nunc rui latryan swpui ganv khou kakhang suangc daihmei zanc saancna latryan sw e. Kumna, mi kumna syangdyng swna samei hei rui latlu tei luailou e.

¹⁷Ravguangc rui katuang latryan tei kalaic dat ni tu hamh the twmei kamei rui nrianhloumei tei laa nimei nunc khou nthanna tithaylou nii lapui zaeng rui, katuang latryan tei syangdyng kazauhna swlou tuang e.

¹⁸Kalat kalaic makmei khatni saraamh makmei Racguangc rui syangdyng swna swloumei latryan hei naipui zaeng rui, kakhou duploumei aniu hei aniu hu khou nai bammei latryan tei laa khang lwmsi tuang maekna sin ntip bam khang nai the.

¹⁹Mi rigwnmei hei aniu bumaengc khang suai dat lakmei ntipmei runghbanghchei the, kumna tingkauh ravkai khou khamthinghphey lungc khou gutna kalungc liangmei ravbamv khou tei gut the.

²⁰Mi khou tei Jisu chaeng humei swna aniu khang gut kan the, kumna Melkhizedek tuang amuc lang khou[7] kamei tingsaeng tingkuh sw kan the.