Read Rongmei Naga JAKOB 4 Bible Online

JAKOB 4 - Rongmei Naga bible

JAKOB 4

¹Nangniw pang khou suc-rih khatni agay agimei pat bammei hei tabui khou rui cho? Mi hei nangniw lungc khou adow bammei kahawmei khou tei rui hamh nah cho?

²Nangniw kahaw e, tiki laatow mak ge; kum tina nangniw meicdow the. Nangniw laa nii e, tiki laatow mak ge; kum tina nangniw agay agi the, khatni suc-rih sw the. Nangniw khang maek ge; kalam thu nangniw Ravguangc khou ney mak ge.

³Nangniw ney e tiki laatow mak ge; kalam thu hei tei nangniw rui kahawmei, simei khou sinsw khang ney the.

⁴Lwmnuh makmeithiu! Mbaanv ta rup swmei hei Ravguangc rui zauczihmei e twmei nangniw thay mak nah cho? Hei zaeng rui, thow pw ni mbaanv ta rupswpui mei tei, karana kata Ravguangc khang zauczihmei tiswlou the.

⁵“Kamei rui aniu khou tilungcloumei bumaengc khang, kamei mamavna kahaw ranv sih bam e,”[2] twna nthanmei latrik rui samei hei nsa lat de twna nangniw ning nah cho?

⁶Tiki Ravguangc rui tiimei zauzian hei thu daic ranv di he. “Daihriw swmei ta Ravguangc nuh mak ge; tiki niamhmei ta suaihiamlou e,” twna nthanmei latrik rui sa e.

⁷Hei zaeng rui, Ravguangc bangc bam o. Ravsic ta ndyangna akhangv o. Kum ti thei kamei nangniw khou rui pak kan puni.

⁸Ravguangc daeng ana guang o; kum e thei kamei nang daeng ana guang puni. Paapcmei nunc, nangniw baanc khiu nthan o; lungning kaneimei nunc, nangniw lungning sw nthan o.

⁹Nangniw lungkabiuna latluna kap bo. Nuihmei phaan kap bo; neihlamei phaan lungh ryanra o!

¹⁰Poubauhmei hu khou niamh key o. Kum e thei kamei rui nangniw ta zay kauh thaulou puni.

¹¹Chanathiu, nangniw khat khat ta sakasicna sa rio. Thow pw ni kachana ta sa kasicmei hamh e thei latzan swmei kamei tei Riakdanv ta nuh makmei e khatni Riakdanv latzan sw tu e. Nangniw rui Riakdanv ta latzan sw e thei, nangniw Riakdanv piumei nunc hamh the; mi ta tei latzan swmei nunc di the.

¹²Riakdanv tiiloumeipu khatni latzanpouc thu Ravguangc na de. Kamei na rui kanlou ngam e khatni swmaan ngam e. Nangniw makaamv ta latzan sw khang nangniw thowna cho?

¹³“Aseic hamh e thei nthuanh, mi kumh mi kumhmei kaidai thangc tingkwm akhat tat lana syan mpeyna ntaanv ni,” twna sa bammei nangniw mi hei nking o.

¹⁴Nang panty khou nthuanh tabui pat puni cho twmei nangniw thay mak ge! Nangniw panty hei thu matak khat na chiclou lana maan kanmei muangluc na kumh tuang de.

¹⁵“Poubauhmei rui ningmei thei layna ringc bam e thei, mi hei hamh e thei hei tei taanc ni,”. twna nangniw sa ni tuang e.

¹⁶Tiki nangniw gaenghswna ramhkhe sw bam e. Mi hei kum lak nina e.

¹⁷Nchumhmei tei thayna taanh makmei tei paapc be.