Read Rongmei Naga 2 JAHON 1 Bible Online

2 JAHON 1 - Rongmei Naga bible

2 JAHON 1

¹Gaanvthaih ai rui— Nzianmei kapahloumei aluhpui khatni kanac nunc[1] khou hy e. Nangniw ta nzian changhna nzianmei hei arana hamh e, nchumhmei ta thaymei guay na rui nzian e.

²Kalam thu aniu khou nchumhmei nai e, kumna mi hei aniu khou tingsaeng nai bam puni.

³Pu Ravguangc khatni Pu Nac Mpouh Jisu Khrista rui aniu khang zauzian, nzianloumei khatni suaihiam tiilou diu; nchumhmei khatni nzianmei khou mi guay hei aniu khang sw diu.

⁴Nang nac nunc gaanvsaekc, Pu tuang latdanv thei layna kachangcmei khou tat bam the twmei thay pwkhou ai mpeyna neihla e.

⁵Hei zaeng rui, nzianmei aluhpuile, ai rui nang khou zaenghuay e: aniu meic guayna khat khat ta nzian kho. Mi hei ai nang khou latdanv kathanc hy bam tu hamh e; mi hei thaurey khou na rui aniu khou tiiloumei latdanv e.

⁶Ai rui aniu khat khat ta nzian kho twna sa bammei kabac kiu thu, aniu Ravguangc lat piuna lungc nina e twpui tuang e. Thaurey khou na rui nangniw chu kanmei latdanv kiu thu nangniw meic guayna nzianna lungc nina e twmei hei e.

⁷Meic guatpui mei mpeyna mbaanv kapwm khou tat pat kan the. Kaniw kiu Jisu Khrista hei maansei swna lungc guang e twmei nuh makmei nunc e. Mi kumhmei nunc hei meic guatmei nunc e khatni Khrista ta zauczihmei nunc e.

⁸Aniw[2] rui taanclou kanmei tei nangniw swmaan mak khang ramhthay o; nangniw swan nthuihna laa khang karamc o.

⁹Thow pw ni Khrista tuang latdyn lungc khou bam makna kapaengc tat twan pat kanmei nunc tei thu kaniw khou Ravguangc maekpui mei nunc e. Mi latdyn lungc khou bampui mei tei kakhou Pu ni, Kanac Mpouh ni bampui mei e.

¹⁰Hei zaeng rui, mi latdyn hei hamhna baihmei phungc guangpui mei ta thu nangniw kai khou laalou riu; dwan gay ni kadylou riu.

¹¹Kalam thu mi kumhpui mei khang tei dwan gay kadypui mei tei mi pu tuang simei taanv khou tei kadam ni kazauh the.

¹²Ai nangniw khou salou khang mpeyna nai he; tiki tatdyn swna hy lak khe, kumna aniu neihlamei padik khang, nangniw daeng khou guangna zaw lev zaw howna racloumei rui gay the twna ning the.

¹³Nang nzianmei nang swanrey nac[3] guay rui nang khang dwan gay kady e.