Read Rongmei Naga NDAUHLOUMEI 15 Bible Online

NDAUHLOUMEI 15 - Rongmei Naga bible

NDAUHLOUMEI 15

¹Mi tangv, ndanhpui tuang, kadath datmei akhat tingpuk khou how e. Mi kiu ntaamhmei chanei phunghmei kauh baanchara chanei e. Hei tei nkhamhmei the; hei tei Ravguangc lungpuam nganvloumei the.

²Mi tangv, mai kazauhmei maengzau tuang duipui kumhmei akhat how e. Khouringh khatni mi maengc ta rihngammei nunc khatni kazanc phaan kasing rui lynmeipu ta rihngammei nunc ta ai how e. Kaniw tei Ravguangc rui tiiloumei nrac sinna, mi maengzau duipui daeng khou tei dingna,

³Ravguangc bangc Mousi khatni Lauziu Nac tuang lu mi kumna suan bam e: “He Poubauhmei Ravguangc, Ngamparimeipu! Nang taanv guay hei daic e, khatni charyn e! He zaatc guayna Guangc,[6] Nang chaeng guay nchumh e khatni nzih e!

⁴Nang ta ping lak nimei thow nai cho, Nang zanc ta thuanc lak nimei thow nai cho, He Poubauhmei? Zaatc guayna guangna nang ta kalum puni, kalam thu nang tuang nchumhmei latzan guay how the.”

⁵Mi tangv hei laanclou bammei ravkai tingkauh thangc how e. Mi khou tei Nthanmei Pheykai nai e.

⁶Ntaamhmei chanei phunghmei kauh baanchara chanei mi ravkai khou tei rui pat re. Kaniw mphwan karangmei pwan piu e kumna kaniw ngaengv khou kachaekc paek kamclou e.

⁷Khoutei khouringh padeih pang khou tei akhat rui tingsaeng ringc bammei Racguangc tuang lungpuam rui padikmei kachaekc kamkuak chanei kauh baanchara chanei khou tei tiilou kan e.

⁸Ravguangc hym khatni katuang pumtan tuang maikhou rui mi ravkai tei padik khwan e. Kumna kauh baanchara chanei rui phungc guangmei ntaamhmei chanei tei luai kan mak saanv, meic gaanv khat na sini mi ravkai khou tei gut nuh mak ge.