Read SEBR SÕNGO, 1998 Sɩngrẽ 2 Bible Online

Sɩngrẽ 2 - SEBR SÕNGO, 1998 bible

Sɩngrẽ 2

¹Yɩɩ woto la yĩngr la tẽnga ne b teed fãa naan yã.

²[8†] Daar a yopoe soaba, [9] Wẽnd tʋʋmna yãenda a tɛka tɩ B na n vʋʋse tɩ b sɛ-la b tʋʋmde.

³[10†] B ninga daar a yopoe soaba barka n welg-a toore, tɩ yɩɩ baraare la b vʋʋs ne b naanega tʋʋmde.

⁴Ad-y Sɩngrẽ wã, yɩɩ woto la yĩngr la tẽng naan yã. Soaala-Wẽnd sẽn naan yĩngr la tẽng raarã,

⁵dẽ tɩ tɩɩg la moog ra nan pa yi pʋʋgẽ ye; b ra nan ka bas tɩ saag ni tẽng zug ye, ninsaal me rag n nan ka be sẽn na n yɩ tẽnga koaad ye.

⁶La ade, ko-nifu n da pusgi n zãgsd tẽnga zãnga.

⁷[11†] Soaala-Wẽnd wa n yaga ninsaala ne tẽng yagdo. Vɩɩm pemsem la b fʋʋs a yõe bogdẽ t'a tũ rẽ n paam vɩɩm.

⁸Soaala-Wẽnd sela zẽedo Eden, yaang sẽnẽ, be la b kẽes ninsaala, b sẽn naan-a n sɛ.

⁹[12†] B Kɩtame tɩ tɩɩs buud fãa yi zĩ kanga, tɩɩs sẽn be neere, n sakd gesgo tɩ b biis me rɩɩb noom noorẽ. B gesa zẽeda tẽnsʋka n sel vɩɩm tɩɩga. N paas neer la wẽng bãngr tɩɩga.

¹⁰Kʋɩlg n dag n yit Eden n zãgsd zẽedã. Kʋɩlga welga nao a naase.

¹¹Pipi naoora boondame tɩ Pizõ, yẽ n gũbg Avila, sãnem tẽnga.

¹²Tẽn-kãng sãnema ka naag ne rẽok buug ye; beelẽ tɩɩsa yoosda sũm sẽn tar yũ-noogo; beelẽ kuga me saasa b toore, n pɩnda, n maneg n gʋl-gʋle, miid la kẽese.

¹³Kʋɩlga naoor a ye me boondame tɩ Giõ, yẽ n karg Kus tẽnga gilli.

¹⁴Kʋɩlga naoor a to boondame tɩ Tɩgr, a zoeta Asʋr yaanga. Naoor a naas soaba yaa Efrat.

¹⁵Soaala-Wẽnd tɩ zĩndga ninsaal Eden zẽeda tẽnsʋka t'a yɩ zẽeda koaad la a gũuda.

¹⁶B kõ-a-la no-kãnga: «Tɩɩsa fãa sẽn be zẽeda pʋga, fo tõe n dɩ-la b biisi.

¹⁷Sã n ya Neer la Wẽng bãngr tɩɩgã, da rɩ a biis ye tɩ fo sẽn na n dɩ a biig raare, sɩd ne sɩda, f na ki.»

¹⁸Soaala-Wẽnd yeelame: «Ka segd tɩ ninsaal zĩ a yembr ye, dẽnd m kõ-a sõangd sẽn wẽnd-a.»

¹⁹Soaala-Wẽnd le rɩka yagdo n yag we-rũmsã la luiili wã fãa, n tigim-b ninsaal taoore, n na n ges yaa yʋ-bʋg la a na n pʋd-ba. Ad-y yaa rũms vɩɩsa fãa la ninsaal bao yʋʋr n pʋde.

²⁰Ninsaal pʋda rũmsa fãa b yʋʋre, n pʋd luiili wã fãa, n pʋd we-rũmsã; ninsaal yaool n pa yãend sẽn wẽnd yẽ sõangd ye.

²¹Soaala-Wẽnd kɩtame tɩ gõeem sẽn ya gõeem yõk ninsaala. B yãka a sĩif a ye n lebs nemdã n bɛ.

²²B rɩka sĩifã b sẽn yãkã n naan paga n kõ raoã.

²³Raoã sẽn yãend pagã, a yeelame: «Marsa sẽ, m paama kõbre sẽn yi m kõabẽ la m yĩng neongẽ. Raoã bool-a lame t'a bogre t'a lʋgrẽ la b bok n yii-sa.»

²⁴ [13†] Rẽ n so tɩ rao basda a ba ne a ma n zĩ ne a paga n lebgd yĩng a yembre.

²⁵B yiib fãa ra yaa b zaala, paga ne raoã, la yãnd da ka tar-b ye.