Read SEBR SÕNGO, 1998 Sɩngrẽ 36 Bible Online

Sɩngrẽ 36 - SEBR SÕNGO, 1998 bible

Sɩngrẽ 36

¹A Ezayu boondame tɩ Edom la ad yẽ me roogo.

²[108†] Yaa Kanaã kom-pugli la a Ezayu kẽes yã, yaa Ada, Ititga Elon biiga; yaa Oolibama: yẽ ba la a Ana, la Ana ba la a Sibeõ, a Sibeõ yaa Ivitsa buud neda.

³[109†] Sẽn leb n paas yaa Basmat: yẽ yaa a Ismayɛl bi-pugla la a Nebayot tão;

⁴a Ada biig la a Elifaz; a Baasmat biig la a Reowɛl;

⁵a Oolibama kamb la a Yewus, a Yalam la a Kora. Woto la kamb niyns a Ezayu sẽn dog Kanaã tẽnga.

⁶A Ezayu waa n yika ne a pagba, a kom-dibli, a kom-pugli, a yir dãmb fãa, a rũmsa fãa la a sẽn da paam bũmb ning fãa Kanaã tẽnga, n kẽng Seyir, n zãag ne a yao, a Zakoob.

⁷Sɩda, b rũmsa da yaa wʋsgo ne b tõog n naag taab zĩ-yɛnga; tẽnga ra ka tõe n sek-b ye.

⁸Yaa rẽ yĩng la a Edom dʋ Seyir tãnga zugu. Edom ne Ezayu yaa nin-yende.

⁹Woto la Edomitsa ba, a Ezayu, kibare, a sẽn waa n ta Seyir tãngẽ.

¹⁰Ad-a Ezayu kamba yʋya: a Elifaz, yẽ ma la a Ada, a Ezayu paga, a Reowɛl, yẽ ma la a Basmat, a Ezayu paga.

¹¹Ad-a Elifaz kamba: a Teman, a Omar, a Sefõ, a Gatam, a Kenaz.

¹²A Ezayu biig a Elifaz rɩka a Timna n paas a pipi paga la a Timna doga a Amalɛk. Bãmb la a Ezayu ne a Ada bãmba.

¹³Sã n yaa a Reowɛl, yẽ kamb la a Naat, a Zera, a Sama, a Miza. A Ezayu ne a paga Basmat kamb la bãmba.

¹⁴A Ezayu paga, a Oolibama, sẽn yaa a Ana biiga, a Sibeõ yagenga, doga a Yewus, a Yalam, a Kora.

¹⁵Ad sẽn yɩ-b b ba a Ezayu rooga nanamse, Edom tẽn-peelmẽ: a Tema, a Omar, a Sefõ, a Kenaz,

¹⁶a Gatam, a Amalɛk. A Ezayu bi-kẽeng a Elifaz kamb la bãmba. B ma la a Ezayu pag a Ada.

¹⁷Roog nanams a Naat, a Zera, a Sama, a Miza; Bãmb yaa a Ezayu biig a Reowɛl kamba; b yaab poak la a Basmat, a Ezayu paga. B vɩɩnda Edom tẽn-peelmẽ.

¹⁸Roog nanams a Yewus, a Yalam, a Kora. Bãmb yɩ-la a Ezayu ne a paga a Oolibama kamb; a Ana la a Oolibama ma.

¹⁹Edom nanamsa la bãmba, fãa ya-la a Ezayu kamba.

²⁰Sẽn zĩnd-b Edom tẽn-peelmẽ pipi yɩɩ Oritga a Seyir yagense. La Oritsa nanams yi-la a Lotã, a Sobal, a Sibeõ, a Ana,

²¹a Disõ, a Esɛr, a Disã, a Seyir kamba.

²²A Lotã kamb yɩ-la a Ori la a Emam; a Lotã da yaa a Timna tão.

²³A Sobal kamb yɩ-la a Alwã, a Manaat, a Ebal, a Sefõ, a Onam.

²⁴A Sibeõ kamb yɩ-la a Aya, a Ana, yaa Ana kãng n da kẽng we-raoogẽ n na n tɩ wãbneg a ba a Sibeõ bõeense n tɩ yãend koom sẽn ya tʋʋlga.

²⁵A Ana kamb yɩ-la a Disõ, a bi-ribla la a Oolibama, a bi-pugla.

²⁶A Disõ kamb yɩ-la a Emdã, a Esbã, a Yitrã a Kerã.

²⁷A Esɛr kamba yɩ-la a Bilã, a Zaawã, a Akã.

²⁸A Disã kamb yɩ-la a Us, a Arã.

²⁹Oritsa nanamse la woto: a Lotã, a Sobal, a Sibeõ, a Ana,

³⁰a Disõ, a Esɛr a Disã. Bãmb n yɩɩ b roog nanams Seyir tẽn-peelmẽ.

³¹Ad neb niyns sẽn dɩ-b naam Edom tẽnga, tɩ Israyɛl dĩm dãmba yaool n na n wa soog-a.

³²Pipi dĩma yɩ-la a Bela, a ba yʋʋr a Beor la a na-tẽnga ra boondame tɩ Dinaba

³³A Bela sẽn ki, a Zobab n ledg a zĩiga, yẽ ba la a Zera, t'a na-tẽnga ya Bosra.

³⁴A Zobab sẽn ki, a Usam n dɩ naam a zĩigẽ, Temanitsa tẽngẽ.

³⁵A Usam sẽn ki, a Bedad biig a Adad n deeg a zĩiga. Yaa yẽ n zab ne Madianitse, n tõog-ba, Moab weoogẽ. A na-tẽng yɩɩ Awit.

³⁶A Adad sẽn ki, a Samla n led a zĩiga. Masreka la a na-tẽnga.

³⁷A Samla poore, Reobot-An-Naar rao, a Sol, n dɩ naam.

³⁸Sẽn pʋg a Sol yɩ-la a Akbor biig, a Baal-Anã.

³⁹A Akbor biig, a Baal-Anã, kiime t'a Adar ledg a zĩiga, a na-tẽnga ra boondame tɩ Pawu; a pag ra boondame tɩ Metabeyɛl, a Matrɛd bi-pugla, a Me-Zaad yagenga.

⁴⁰Ad neb niyns sẽn yɩɩ dĩm dãmb a Ezayu roogẽ, ned kam fãa ne a saka, a tẽnga: a Timna, a Alvã, a Yetɛt,

⁴¹a Oolibama, a Ela, a Pinõ,

⁴²a Kenaz, a Tema, a Mibsar,

⁴³a Magdiyɛl, a Iram. Bãmb n yɩ Edom dĩm dãmba, tẽns niyns b sẽn da ya b soolem. A Ezayu la Edomitsa yaaba.