Read SEBR SÕNGO, 1998 2DĨM DÃMBA 22 Bible Online

2DĨM DÃMBA 22 - SEBR SÕNGO, 1998 bible

2DĨM DÃMBA 22

¹ [48†] A Zoziyas sẽn waa n na n deeg naam, t'a tara yʋʋm a nii; a rɩ naam yʋʋm pis-tã la a ye Zerizalɛɛm, a ma yʋʋr da boondame t'a Yedida, a Adaya biiga, a ba yiri da yaa Boskat.

²A maana sẽn ta Soaala-Wẽnd yam la a togsa a saamba a Daviid manesem fãa, n pa bʋdg rɩtgo, n pa bʋdg goabga.

³A Zoziyas naam yʋʋmd piig la a nii soaba, dĩma tʋma wẽnd doogẽ, a sɛb gʋlsda a Safã, a Asaliya biiga, a Mesulam yagenga. A yeel-a lame:

⁴«Kẽng maan-kʋʋd kãsenga a Ilkiya nengẽ la f kɩt t'a geelg ligdã b sẽn wat n kɩt Wẽnd doogẽ wã, dagno-gũudba sẽn deesd neba nengẽ wã.

⁵A rɩk ligd kãnga n kɩs tʋʋma nanamse sẽn get b wẽnd dooga manegrã, tɩ b reeg-a n yao tʋʋm-tʋmdba sẽn manegd-b wẽnd doogã. Bɩ b yao

⁶da-wãadba la tãn-metba, tʋʋm-tʋmdb a taabã; b yãk n yao daada la kuga sẽn pees wẽnd doogã yĩnga.

⁷[49†] La b ra sok-b ligda geels ye, tɩ b maanda pʋ-peelem.»

⁸Maan-kʋʋd kãsenga a Ilkiya yeela sɛb-gʋlsda a Safã: «Mam yãenda Noora sebrã wẽnd doogẽ.» La a Ilkiya kɩsa a Safã sebra t'a karem.

⁹Sɛb-gʋlsda kẽnga dĩma nengẽ n tɩ yeel-a: «Tõnd tigsa ligdã sẽn be wẽnd doogẽ wã fãa, la d kɩs-a-la tʋʋma nanamse sẽn get-b wẽnd dooga manegrã.»

¹⁰La sɛb-gʋlsda, a Safã, togsa naaba kibar kãnga: «Maan-kʋʋd a Ilkiya kɩsa maam sebr a yembre.» La a Safã karma sebrã dĩma taoore.

¹¹Dĩma sẽn wʋm goama sẽn da be Noor sebra pʋgã, a kẽesa a futu.

¹²A kõo maan-kʋʋd a Ilkiya, a Ayikam, a Safã biiga, a Akbor, a Mikaya biiga, sɛb gʋlsda a Safã, la dĩma sõgen a Asaya noor kãngã:

¹³«Kẽng-y, tɩ sok-y Naaba-Wẽnd bũmbu. Tɩ sok-y m yĩnga, buuda fãa yĩnga, a Zɩɩda fãa yĩnga. Sok-y sebra poorẽ, sebr ning b sẽn yãenda poorẽ. Ade, Naaba-Wẽnd sũur puuga wʋsgo ne tõndo, tɩ tõnd saam-dãmba pa tũ sebr kãng goama, b pa tũ bũmb ning fãa b sẽn gʋls a pʋgẽ ye.»

¹⁴Maan-kʋʋd, a Ilkiya, n paas a Ayikam, a Akbor, a Safã la a Asaya kẽnga bãngd poaka a Ulda nengẽ. Yaa a Salum paga la yẽ n da gũud futã. A Salum da yaa a Tikwa biiga, a Aras yagenga. Paga ra bee Zerizalɛɛm, Kẽedpaoolgo. B togsa paga kibara zãnga.

¹⁵La a leok-b lame: «Naaba-Wẽnde, Israyɛl Wẽnnaama koɛɛg la woto: ‹Tɩ togs-y ned ninga sẽn tʋma yãmb mam nengẽ wã:

¹⁶Naaba-Wẽnd yetame: Mam na n waa ne yel-beedo tẽn-kãnga neba zutu, la m na n pidsa bũmb ning fãa sẽn be sebra pʋgã tɩ Zɩɩda dĩma karma,

¹⁷bãmb sẽn daag maam n bas yĩnga, la b kʋ maando n waoog wẽn-naandse, n na n puug m sũuri.

¹⁸Mam sũur puuga ne tẽn-kãnga, la a kõn sig ye. La yãmb na n yeela Zɩɩda dĩma sẽn tʋm yãmb tɩ y wa sokã, tɩ Naaba-Wẽnd, a Israyɛl Wẽnnaam Koɛɛg la woto: Fo wʋma sebra sẽn togs bũmb ninga.

¹⁹Fo kelga m sẽn togs bũmb ning Zerizalɛɛm ne a neba poorẽ. M sɩd na n kɩtame tɩ tẽnga lebg tẽn-weongo, tẽng sẽn ka le be barka. La fo sakame tɩ f sũur bondge, tɩ f reeg foo ne buuda kongre, fo kẽesa fut la f yãba mam taoore, bãng neere, ad yaa maam n gomde, bãng tɩ mam me wʋmame.

²⁰Yaa rẽ yĩnga la mam na n lagem foom ne f saam-dãmba tɩ f gãand ne laafi f yaoogẽ; fo nin kõn yãend yel-beed ning m sẽn na n wa ne zĩ-kãnga ye.› » Sẽn tɩ kelg-b bãngd poaka koɛɛga tɩ taasa dĩma Soaala-Wẽnd leokrã.