Read SEBR SÕNGO, 1998 1NA-ROT 13 Bible Online

1NA-ROT 13 - SEBR SÕNGO, 1998 bible

1NA-ROT 13

¹A Daviid maana yẽsgo ne tãb-biisa nanamse la taoor dãmbã.

²A yeela Israyɛl tigungã gilli: «Sã n zems ne yãmba, la Naaba-Wẽnd me sã n data, bɩ d tʋm neba d saam-biis a taaba nengẽ, saam-biis niynsi, maan-kʋʋdba la Levitsa sẽn pa-b tẽnsẽ la b pʋtẽ wã, d bool-ba tɩ b wa naag tõndo.

³D na naag taab n tɩ lebs zooda kaseto, kuga walsa koglgã, d tẽngẽ, tɩ sɩda, tõnd pa ges a yelle, a Sol zamaanẽ wã ye.»

⁴A Israyɛl kamba fãa reegame tɩ leokra yaa neere la b tog n maana wa sẽn togsã.

⁵[15†] A Daviid kɩtame tɩ b bool Israyɛl kambã b sẽn be zĩig ning fãa, al Ezipt toaaga sẽn be nug rɩtgo n ta Lebo-Amat sẽn be nug goabga, tɩ b kẽng Kiriyat-Yearim n tɩ tall kuga walsa koglgã n wa.

⁶[16†] Dɩlla a Daviid ne Israyɛl kamba fãa kẽnga Baala, sẽn boond me tɩ Kiriyat-Yearim, n be Zɩɩda tẽn-peelmẽ. B kẽng n tɩ waa ne koglgã la yaa yẽ zug la Naaba-Wẽnd zao n deegd d pẽgre, tɩ malɛgsa me yɛdg b pɩgsã.

⁷Yaa a Abinadab yiri la b zɩlg koglga bilim-bilm paalga. A Uza ne a Ayiyo n da yegd bilim-bilma.

⁸A Daviid ne Israyɛl gill saoo ne b pãng fãa Wẽnnaam taoore. B yɩɩla ne koala, la gãngão-gilsi, la kɛma la tõntõodo.

⁹La b sẽn waa n ta Kidõ zɛɛgẽ, a Uza tẽega a nug n na n kok koglgã tɩ kellẽ la bilf bala tɩ niisa lubẽ-yẽe.

¹⁰Soaala-Wẽnd sũur puuga ne a Uza tɩ b wẽ-a, a sẽn dɩk a nug n sɩɩs koglga yĩnga; a Uza kii Wẽnnaam taoore.

¹¹A Daviid sũur sãama wʋsgo, tɩ Soaala-Wẽnd sẽn maan ne a Uza wẽnega ned sẽn wurg zak lalga. Dẽ me la a pʋd zĩ-kãng t'a Uza lal-bɛɛga, tɩ b ket n boond dũnna.

¹²Badaare a Daviid zoe Wẽnd dabeem la a yeelame: «M yɩta a wãna n kẽes kuga walsa koglgã m zakẽ?»

¹³La a Daviid pa tall koglgã n kẽng a yiri, a na-tẽngẽ ye, a kɩtame tɩ b tall-a n tɩ bĩng a Obɛd-Edom, Gat dao yiri.

¹⁴[17†] Kuga walsa koglg paa kiis a tã a Obɛd-Edom zakẽ la Naaba-Wẽnd ninga barka a Obɛd-Edom zakã ne sẽn be a pʋgẽ fãa.