Read SEBR SÕNGO, 1998 1NA-ROT 24 Bible Online

1NA-ROT 24 - SEBR SÕNGO, 1998 bible

1NA-ROT 24

¹Ad-a Aarõ yagensa sẽn pʋɩ to-to, tʋʋmda yĩnga. A Aarõ meng kamba yɩ-la a Nadab, a Abiyu, a Elazar la a Itamar.

²[40†] A Nadab la a Abiyu, denga b ba n ki, n ka rog kamb ye la yaa a Elazar la a Itamar n da tʋmd maan-kʋʋr tʋʋmde.

³Sẽn waa n kaoose, a Sadok, a Elazar yagenga ne a Ayimelɛk, a Itamar yagenga, sõnga a Daviid n welg maan-kʋʋdba sak-saka, n zems ne tʋʋmdã b sẽn kõ-bã.

⁴La b wa n mikame t'a Elazar kamba da tara neba n yɩɩd a Itamar kamba. Dẽ wã b welga a Elazar kamba sags piig la a yoobe, n welg a Itamar kamba sags a nii.

⁵B poeesame n kẽes ned kam fãa a tʋʋmnẽ, a Elazar kamba wala a Itamar kamba. Kẽer ra boondame tɩ wẽnd doog na-biisi, tɩ kẽer boond tɩ Wẽnd na-yir dãmba. Tʋʋmd pa yãk n ya a Itamar bɩ a Elazar kamb dẽnd bal ye, b kalma taaba.

⁶Yɩɩ dĩma a Daviid taoore, na-komsa taoore, maan-kʋʋd a Sadok taoore, a Abiyatar biig a Ayimelɛk taoore, maan-kʋʋdba la Levitsa buud nanams taoore, la tʋʋmda pʋɩɩra pʋɩ yã. La Levit dãmba sakẽ, sɛb-gulsd a ye, a Netaneyɛl biig a Semaya, n da rɩkd sebr zugu ned kam fãa tʋʋma sak la a raare. Pʋɩɩra pʋɩ woto: sã n paam taoor dãmb a yi sẽn yit a Elazar roogẽ, yãkda a ye, a Itamar roogẽ.

⁷Pipi poeerã yãka a Zoyarib, a yiib soaba yaa a Yedaya,

⁸a tãab soaba, a Arim, a naas soaba, a Seorim,

⁹a nu soaba, a Malkiya, a yoob soaba, a Miyamin,

¹⁰a yopoe soaba, a Asos, a nii soaba a Abiya,

¹¹a wɛ soaba, a Zesuwa, piig soaba a Sekaniya,

¹²piig la a ye soaba a Eliyasib, piig la a yiib soaba a Yakim,

¹³piig la a tãab soaba a Upa, piig la a naas soaba a Yesebab,

¹⁴piig la a nu soaba, a Bilga, piig la a yoob soaba a Imɛr,

¹⁵piig la a yopoe soaba, a Ezir, piig la a nii soaba a Apisɛs,

¹⁶Piig la a wɛ soaba, a Petayiya, pisi soaba, a Ezekiyɛl

¹⁷pisi la a ye soaba, a Yakẽ, pisi la a yiib soaba, a Gamul,

¹⁸pisi la a tãab soaba, a Delaya, pisi la a naas soaba, a Maaziya.

¹⁹Yaa bãmb la b welg sags-sagse, tɩ b na n paam n tʋm wẽnd doogẽ wala b ba a Aarõ sẽn zãms bãmbã, wala Naaba-Wẽnde, a Israyɛl Wẽnnaam, sẽn da kõ-a noore.

²⁰Ad-b sẽn gʋls b rãmba a Levi kamba sẽn kella sʋka: a Amram yagensẽ: a Subayɛl; a Subayɛl yagensẽ: a Yediya.

²¹A Reabiya roogẽ, yẽ ne a kamba: a Isiya, kãsma.

²²A Isar yagensẽ: a Selomot; a Selomot kamb sʋka a Yaat.

²³A Ebrõ yagensẽ: a Yeriya, kãsma, a Amariya, a yiib soaba; a Yaaziyɛl a tãab soaba; a Yekamam, a naas soaba.

²⁴A Uziyɛl yagensẽ: a Mika; a Mika biiga: a Samir.

²⁵A Mika ba-biiga: a Isiya; a Isiya biiga: a Zakari.

²⁶A Merari yagensẽ: a Mali, a Musi la a Yaziya.

²⁷A Yaaziya yagenga a Merari kamba: a Soam, a Zakur la a Ibri.

²⁸A Mali yagensẽ: a Elazar; yẽ ka rog bi-ribl ye.

²⁹A Kis kambẽ: a Yerameyɛl;

³⁰a Musi kambẽ: a Mali, a Edɛr, a Yerimot. Yaa woto la b gʋls roog-roogo, a Levi yagensã.

³¹B poeesame n welg-ba, wala b sẽn maan ne b saam-biisi, a Aarõ kamba, dĩma taoore, a Sadok, a Ayimelɛk, maan-kʋʋdba la Levitsa kãsem-dãmb taoore. La b maana woto ne yao zʋʋga roogo wala b sẽn maan ne a kẽem dãmba.