Read SEBR SÕNGO, 1998 1NA-ROT 6 Bible Online

1NA-ROT 6 - SEBR SÕNGO, 1998 bible

1NA-ROT 6

¹A Levi kamba: a Gersõ, a Keyat a Merari.

²A Gersõ kamba: a Libni, ne a Simeyi.

³A Keyat kamba: a Amram, a Isar, a Ebrõ, a Uziyɛl.

⁴[11†] A Merari kamba: a Mali, la a Musi. Bãmb sɩgda a Levi.

⁵A Gersõ kamba: a Libni, a Yaat, a Zima,

⁶a Zoa, a Ido, a Zera, a Yeatrayi.

⁷A Keyat kamba: a Aminadab, a Kore, a Asir,

⁸a Elkana, a Ebiyasaf, a Asir,

⁹a Taat, a Uriyɛl, a Uziya, a Sol.

¹⁰A Elkana doga kamb a yiib n paase: a Amasayi la a Ayimot.

¹¹A Ayimot kamba yɩ-la a Elkana, a Sofayi, a Naat,

¹²a Eliab, a Yeroam; a Elkana n dog a Samwɛl.

¹³A Samwɛl kamba: a Zowɛl, a bi-kẽenga, la a Abiya a yiib soaba.

¹⁴A Merari kamba: a Mali, a Libni, a Simeyi, a Uza,

¹⁵a Sima, a Agiya, a Asaya.

¹⁶Ad-a Daviid sẽn yãk b rãmba tɩ b soog yɩɩla, wẽnd doog pʋga, kuga walsa koglga, zood kaseta, sẽn waa n paam zĩiga.

¹⁷Bãmb tʋʋmd da yaa yɩɩla, sɛka rooga taoore, n tãag a Salomo sẽn waa n me wẽnd dooga Zerizalɛɛm. B ra maanda b tʋʋmdã wala b sẽn kõ-b noore.

¹⁸Ad sẽn da tʋmd-b tʋʋm kãnga ne b kamba: a Keyat kamba sʋka: a Eman, yɩɩn-yɩɩndã, a Zowɛl biiga, a Samwɛl biiga,

¹⁹a Elkana biiga, a Zeroboam biiga, a Eliyɛl biiga, a Toa biiga,

²⁰a Suf biiga, a Elkana biiga, a Maat biiga, a Amasayi biiga,

²¹a Elkana biiga, a Zowɛl biiga, a Azariya biiga, a Sefaniya biiga,

²²a Taat biiga, a Asir biiga, a Eviasaf biiga, a Kore biiga,

²³a Isar biiga, a Keyat biiga, a Levi biiga, a Israyɛl biiga.

²⁴A ba-biiga a Asaf da yɛsa yẽ nug rɩtgo. A Asaf ba wã yaab rãmba la a Berekiya, a Sima,

²⁵a Mikayɛl, a Baaseya, a Malkiya,

²⁶a Etni, a Zera, a Adaya,

²⁷a Etã, a Zima, a Simeyi,

²⁸a Yaat, a Gersõ, a Levi.

²⁹Yɩɩn-yɩɩndba sẽn yaa a Merari yagensa ra yɛsa b nug goabga. A Etã n da lʋɩ b taoore tɩ yɩɩla yɩɩnẽ la yẽ yaab rãmba la a Kisi, a Abdi, a Maluk,

³⁰a Asabiya, a Amasiya, a Ilkiya,

³¹a Amsi, a Bani, a Semɛr,

³²a Mali, a Musi, a Merari, a Levi.

³³Bãmb ba-biisi, Levits a taaba, da tʋmda wẽnd doog tʋʋma.

³⁴A Aarõ ne a kamba da yõogda maanda maan-kugra zugu la b yõogd wisdu, la tɩdare. Bãmb n da so tʋʋm sõma fãa maanego ne maoong kʋʋbo, a Israyɛl yel-wẽna sugr kosg yĩnga wala a Moyiiz, Wẽnnaam tʋʋm-tʋmdã sẽn da kõ noore tɩ b maane.

³⁵Ad-a Aarõ roogo: a Elazar, a Pinas, a Abisuwa,

³⁶a Buki, a Uzi, a Zeraya,

³⁷a Merayot, a Amariya, a Ayitub,

³⁸a Sadok, a Ayimaas.

³⁹La ad zĩisã b sẽn da bẽeg n kõ bãmba tɩ b tilg b yiya, ad-a Aarõ biiga a Keyat roogo sẽn paam zu-noog pʋɩɩr ninga:

⁴⁰B kẽesa bãmba, a Zɩɩda soolem pʋga, Ebrõ ne a tẽn-kɩremsẽ.

⁴¹Sã n ya weoogã ne tẽn-bõonesã, b kõ-a-la a Kalɛb, a Yefune biigã.

⁴²A Aarõ kamba, b kõ bãmb soondg tẽnse, Ebrõ, Libna ne a bãoogo, Yatir, Estemoa ne b bãado,

⁴³Ilez ne a bãoogo, Debir ne a bãoogo,

⁴⁴Asã ne a bãoogo, Bɛt-Semɛs ne a bãoogo,

⁴⁵la b yãka a Bẽnzame soolmẽ: Alemɛt ne Geba ne b bãado, Anatot ne a bãoogo. B tẽnsã fãa-fãa yaa piig la a tã.

⁴⁶A Keyat kamba: sẽn da kell-bã, b kõ bãmba, n zems ne b sagsã, tẽns piiga b sẽn yãk a Manase bogr soolmẽ.

⁴⁷B kõ-la a Gersõ kamba n zems ne b sagse, tẽns piig la a tã b sẽn yãk a Isakar, a Asɛr, a Neftali la a Manase bogre tẽn-peelmẽ, Bazã.

⁴⁸A Merari kamba: b poeesame n kõ bãmb sẽn zems ne b sagse, tẽns piig la a ye, b sẽn yãk a Rubẽ, a Gad la a Zabulõ tẽn-peelmẽ.

⁴⁹A Israyɛl kamba kõo Levit dãmba tẽn-bãmba ne b weto.

⁵⁰B poeesame n yãk a Zɩɩda yagens pʋɩɩrẽ, a Simeõ, la a Bẽnzame yagens pʋɩɩrẽ n kõ-ba, b pʋda tẽnsã fãa b meng yʋʋre.

⁵¹B sẽn poeese, a Keyat yagens sags paama tẽnse, b sẽn yãk a Efrayin pʋɩɩrẽ.

⁵²B kõ-b-la soondg tẽnse, Sikɛm, ne a weoogo, Efrayim tãnga pendẽ, Gezɛr ne a weoogo,

⁵³Yokmeam ne a weoogo, Bɛt-Orõ ne a weoogo,

⁵⁴Ayalõ ne a weoogo, Gat-Rimo ne a weoogo,

⁵⁵la a Manase bogre soolma pʋga b yãka Anɛr ne a weoogo, Bileam ne a weoogo n kõ a Keyat yagens a taaba.

⁵⁶A Gersõ kamba: b kõ-b-la sẽn zems ne b roogo, tẽns b sẽn yãk a Manase bogrẽ, Golan, sẽn be Bazã, ne a weoogo, Astarot ne a weoogo,

⁵⁷B yãka a Isakar roog soolmẽ Kedɛs ne a weoogo, Daverat ne a weoogo,

⁵⁸Ramot ne a weoogo, Anem ne a weoogo,

⁵⁹b yãka a Asɛr buud soolmẽ: Masal ne a weoogo, Abdõ ne a weoogo,

⁶⁰Ukok ne a weoogo, Reob ne a weoogo.

⁶¹B yãka a Neftali roogẽ: Kedɛs sẽn be Galile ne a weoogo, Amo ne a weoogo, Kiriyatayim ne a weoogo.

⁶²A Merari kamba a taabã, b yãka a Zabulõ soolmẽ n kõ bãmba, Rimon ne a weoogo, Tabor ne a weoogo,

⁶³la Zʋrdẽ kʋɩlgã poore, al Zeriko n tɩ ta al Zʋrdẽ yaanga, b yãka a Rubẽ soolmẽ, Besɛr sẽn be zĩ-pɛɛlẽ ne a weoogo, Yasa ne a weoogo,

⁶⁴Kedemot ne a weoogo, Mefaat ne a weoogo;

⁶⁵b yãka a Gad soolmẽ, Ramot sẽn be Galaad ne a weoogo, Maanayim ne a weoogo,

⁶⁶Esbõ ne a weoogo, Yazɛr ne a weoogo.