Read SEBR SÕNGO, 1998 2NA-ROT 35 Bible Online

2NA-ROT 35 - SEBR SÕNGO, 1998 bible

2NA-ROT 35

¹A Zoziyas maana Pak kibs Naaba-Wẽnd yĩnga, Zerizalɛɛm. Paka maana pipi kiuugã piig la a naas daare.

²A Zoziyas le kõo maan-kʋʋd fãa a tʋʋmde, la a gesame tɩ ned kam fãa sɩd tõog n maan a tʋʋmd wẽnd doogẽ.

³A yeela Levitsã sẽn da tar yẽesem n yɩɩd b taaba ne Naaba-Wẽnd sorã tũudem, la sẽn da welg toor Naaba-Wẽnd yĩnga: «Ning-y kuga walsa koglga wẽnd dooga pʋga, Israyɛl dĩm a Daviid biig a Salomo sẽn me roog ningã. A ra le yɩ zɩɩb y bãgdẽ ye. Tʋm-y marsã, Soaala-Wẽnd la buud a Israyɛl yĩnga.

⁴[63†] Zĩnd-y toor-toore, ned kam fãa a tʋʋmda rãmb sakẽ, wala a Daviid sẽn ning a sebr zugu, t'a biig a Salomo, reeg n taase.

⁵Pa-y wẽnd doogẽ, buuda yĩnga, la sẽn ka tõe n kolg-b Soaala-Wẽnd yĩnga. Buuda me na ges Levitsa yelle.

⁶Kʋ-y paka, yɩlg-y mense, vɩɩnd-y y saam-biisa yĩnga wala Soaala-Wẽnd sẽn taas b koɛɛg a Moyiiz.»

⁷A Zoziyas yãka nin-zaalsa yĩnga rũm-bõonese, pe-bi la bulli, bãmb tus pis-tã. Yɩɩ pak kibs rũmsi, sẽn tigim-ba yĩnga, n paas niis tus a tã. Rũmsa yii dĩma soolmẽ.

⁸A poorẽ dãmba me baoo b yamleoog maand rũmsi, zãma wã, maan-kʋʋdba la Levitsa yĩnga. Sẽn get-b tʋʋma kõo wẽnd doogẽ maan-kʋʋdbã, a Ilkiya, a Zakari la a Yeyiyɛl, dũm-bõonese, pe-bi la bulli tus a yi la kobs-yoobe, la rũm-bɛda, niis kobs-tã.

⁹Levitsa kãsem-dãmba, a Konaniya, a Semaya la a yao a Netaneyɛl, a Asabiya, a Yeyiyɛl ne a Zozabad kɩsa Levitsa yĩnga pak rũm-bõones tus a nu la niis kobs-nu.

¹⁰B wilga bũmb fãa ne a wakato, tɩ maan-kʋʋdba kẽng b zĩisẽ, tɩ Levitsa tigim sak-saka, wala dĩma sẽn da yalse.

¹¹B kʋʋ pakã, maan-kʋʋdba da reegda zɩɩma Levitsa nusẽ n daannẽ. Levitsã n da sɩɩgd dũmsã.

¹²B ninga toore, rũmsã, la sẽn yɩɩda lolsa sẽn da tog n kʋ yũ-nood maando Soaala-Wẽnd yĩnga. Rũms kãens yaa Israyɛl sagsa toor-toor sẽn da tog n wa ne wala sẽn gʋls a Moyiiz noora sebrẽ.

¹³[64†] Wala noora sẽn date, b sẽe pak pe-bilã la rẽ tɩ b rʋgda nemdã rʋgd pʋgẽ, miisd laas pʋsẽ, la-bõones pʋsẽ. B yika ne yãgbo n saa n pʋɩ nemdã Israyɛl kamba.

¹⁴Dẽ poore Levitsa segla pakã bãmb la maan-kʋʋdba yĩnga. A Aarõ kamba tʋʋmde yɩɩ yũ-nood maanda kʋʋbo la kaama yõogre n tar yõogre, n ta yʋngo.

¹⁵[65†] Yɩɩn-yɩɩndba, a Asaf kamba, da be b zĩigẽ, wala a Daviid sẽn da yalse. A Asaf, a Eman, a Yedutun, dĩma bãngdã, dagno-gũudbã, ned ba a ye ka luk a naoor ye, tɩ Levitsa segla fãa b yĩnga.

¹⁶Yaa woto la badaare Naaba-Wẽnd pẽgrã yɩ yũ-nood maand kũuni, b maan-kugra zugu, wala a Zoziyas sẽn da tʋlge.

¹⁷ [66†] Israyɛl kamba sẽn da tigim-b be wã maana paka rasem a yopoe, n pa rɩt bɩll ye.

¹⁸Bãngd a Samwɛl loogr tɛka, b ka maan Israyɛl tẽn-peelmẽ wã pak sẽn wẽneg pak kãnga ye. Israyɛl dĩm ba a ye ka maan Pak wa a Zoziyas rẽndã n paam tɩ maan-kʋʋdba fãa, Levitsa fãa, Zɩɩda la Israyɛl, la Zerizalɛɛm dãmb fãa zĩnd be ye.

¹⁹Paka kibsa maana a Zoziyas naam yʋʋmd piig la a nii soaba.

²⁰A Zoziyas waa n tõogame tɩ yɛla fãa leb b zĩisẽ, Naaba-Wẽnd doogẽ wã. Ezipt dĩm a Neko me yikame n na n tak zabre al Karkemis sẽn me Efrat kʋɩlg noore. A Zoziyas pa sak tɩ Ezipt rãmba bʋdg a soolmẽ ye.

²¹Ezipt dĩm a Neko tʋmame tɩ b wa yeel-a: «M koɛ-bʋg n be ne foom, Zɩɩda dĩma? M ka wat dũnna n na n zab ne foom ye. Yaa ne ned a to la m wat zabre la Wẽnd yeel-m lame tɩ m maan yãgbo. Wẽnd sẽn be ne maama, da kẽ sʋk tɩ b wa kʋ-f ye.»

²²A Zoziyas da ninga a yamẽ tɩ rẽnd a zab ne a Neko bala, woto a pa kelg koɛɛga sẽn yaool n da ya Wẽnd meng koɛɛg ye. A boba zabre. B sega taab Megido sigdgẽ.

²³B tão a Zoziyas ne tãpo t'a yeel a sõgen-kamba: «Tall-y-ma n looge, tɩ toog tar-m lame.»

²⁴A sõgen-kamba yiis-a-la a bilim-bilma n kẽes a to pʋgẽ n tall-a n leb Zerizalɛɛm la a kii be. B mum-a-la a ba rãmb yaadẽ. Zɩɩda ne Zerizalɛɛm gill maana a Zoziyas kʋʋre.

²⁵A Zeremi maana yɩɩla n yãb a Zoziyas, la yɩɩn-yɩɩndba ket n yɩɩnd-b-la ne rũnna. Waa n lebga rog-n-miki; yɩɩn kãens la sẽn boond tɩ kʋʋr yɩɩlã.

²⁶A Zoziyas vɩɩma kibare, a nonglem ne Wẽnd sẽn yɩ wa Soaala-Wẽnd sẽn da rat a soaba, wala sẽn gʋls bãmb noora sebrẽ,

²⁷a kibarã, a sɩngre n ta a baasgo, fãa gʋlsa Israyɛl la Zɩɩda dĩm dãmb sebrẽ.