Read SEBR SÕNGO, 1998 2NA-ROT 5 Bible Online

2NA-ROT 5 - SEBR SÕNGO, 1998 bible

2NA-ROT 5

¹ [17†] Wẽnd dooga tʋʋmd kãsengã sẽn baase, a Salomo kɩtame tɩ b wa ne teed niyns a ba a Daviid sẽn da zoe n kõ Soaala-Wẽndã: wanzurfã, sãnema, lagdã. A rɩka rẽ fãa n paas Soaala-Wẽnd arzɛkã.

² [18†] A Salomo tigma nin-kẽemba, buud kãsem dãmbã, nanamsã, Zerizalɛɛm, la a kɩtame tɩ b yiis Soaala zooda koglg a Daviid yiri, Siõ tãnga.

³Israyɛl zãng tigma taab dĩma yir n maan kibs kãsenga, kiuug a yopoe soaba.

⁴A Israyɛl nin-kẽemba fãa waame. A Levi kamba n da tʋk kuga walsa koglgã.

⁵B rɩka koglgã, sɛka roogã la te-sõma wã fãa sẽn da be a pʋgẽ. Levit dãmba la maan-kʋʋdba n tʋk-ba.

⁶A Salomo ne a Israyɛl sagsa sẽn da tigma kʋʋ piisi la niisi sẽn ka tõe n sõd n sɛ.

⁷Maan-kʋʋdba kẽesa kuga walsa koglg a zĩigẽ, sõmblem dooga pʋga, malɛgsa pɩgsa tẽngre.

⁸Malɛgsa ra yɛdga b pɩgsã n lut koglgã ne a ra-tuiidsã.

⁹Raada sẽn da tar n zẽkd koglgã da yaa wogdo. Do kãsenga pʋgẽ dãmb da tõe n yãend-b-la bilfu, sõmblem dooga noore. La f sã n da be yɩnga, f ka ne-b ye. B keta ne rũnna.

¹⁰[19†] Bũmb da ka be koglga pʋga, sã n ka kuga wals a yiibã, a Moyiiz sẽn da sagl Oreb tãng zugu, zooda yõgb wakato, Ezipt tẽng yiib wakato.

¹¹Maan-kʋʋdba sẽn yi, la dooga sẽn lɛɛg n pid ne sawadgo. Maan-kʋʋdba fãa da paam n yɩlga b mense la b yaool n da ka welg sak-sak wala b sẽn da welg-b tʋʋmda yĩng ye.

¹²Yɩɩn-yɩɩndba da bee sʋk zãnga: a Asaf, a Eman, a Yedutun ne b kamba la b yaopa, n maneg n yeelg fu-peelse. B ra wẽeda waase, pendga, kʋnde. B ra yɛsa maan-kugra yaanga. Maan-kʋʋdb koabg la pisi n da be ne-ba n sokd-b ne tõntõodo.

¹³[20†] [21†] Sẽn peebd-b bardã wala sẽn da yɩɩnd-ba da naaga taab sũur a ye n pẽgd la b kilsd Naaba-Wẽnde. B ra zẽkda b koeese tɩ bardã peebdẽ, tɩ waasa la pendsã wẽedẽ, tɩ ruudsa wãagdẽ, tɩ b pẽgd Soaala-Wẽnd n yetẽ: «Naaba-Wẽnd la sõngo, b nonglem ka be tɛk ye.»

¹⁴Sawadga kɩtame tɩ maan-kʋʋdba ka tõog n le rɩk b tʋʋma ye. Wẽnd dooga ra pida ne Naaba-Wẽnd ziiri.