Read SEBR SÕNGO, 1998 2NA-ROT 8 Bible Online

2NA-ROT 8 - SEBR SÕNGO, 1998 bible

2NA-ROT 8

¹Yaa yʋʋm pisi pʋgẽ la a Salomo me wẽnd doogã la a meng yiri.

²A manegame n me tẽns niyns a Iram sẽn da kõ-a. A kẽesa Israyɛl kamb be.

³A paama Soba la Amat n sooge.

⁴A le maneg n me Tadmor, we-raoogẽ, n paas tãnsoben-tẽnse sẽn da be Amat tẽn-peelmẽ.

⁵A le manega tãng zug Bɛt-Orõ la tãng sɛɛg Bɛt-Orõ tɩ b lebg tãnsoben-tẽnse, n tar lal-gũbri la kʋɩlens sẽn sogd ne kutu.

⁶A le manega Baalat, la tẽns niyns a sẽn da bĩngd a bilim-bilm, la tẽns niyns a sẽn kẽes a wed-dʋʋdba. A Salomo me a sẽn dat fãa Zerizalɛɛm, bɩ Libã, bɩ zĩis a taaba, a soolma pʋgẽ.

⁷Neb n zĩndi n da ka Israyɛl buud ye, la a Israyɛl da bas-b lame n ka kʋ ye. B yaool n da keta Zerizalɛɛm. Yaa Ititsã, Amonitsã, Perizitsã, Ivitsã, Zebuze rãmba.

⁸A Salomo kẽe bãmb kamba sʋka n yãk a tʋʋm-tʋmdba, la ket n yaa boto ne rũnna.

⁹A Salomo ka kẽes Israyɛl kamba a tʋʋmnẽ ye. Yaa zabra yell bala n da pak bãmba. Bãmb n da rɩt naam n so sẽn tʋkd-b zab teedã. Bãmb n da ya wed-kɩɩmbã, la bilim-bilm nanamse.

¹⁰Sẽn da get-b tʋʋma sẽn welg toora nanamse da yaa bãmb kobs-yi la pis-nu. Bãmb n da sõngd a Salomo n gũud a zãma wã.

¹¹A Salomo yiisa Ezipt dĩma bi-pugla a sẽn da be zĩig ninga, a Daviid na-tẽngẽ, n tall-a n wa kẽes roog a to a sẽn me a yĩngã. A ra yeta a meng woto: «M pag ka tõe n pa Israyɛl dĩm a Daviid zakẽ ye tɩ kuga walsa koglg sẽn bĩng zĩig ning fãa n baas n yɩɩd ne sõmblem.»

¹²A Salomo kõo Naaba-Wẽnd yũ-nood maando, maan-kugr ninga a sẽn dɩgl zãonga taoora zugu.

¹³[30†] Maanda kʋʋba ra tũuda a Moyiiz sẽn da yals a soaba beoog-beoogã, sibr daarã, kiu-paalgã, kibs bɛd a tãabã sẽn ya bur sẽn ka ningd bɩll kibsa, tigsgu kibsa, la sẽgd kibsa.

¹⁴A pa teem a ba, a Daviid, sẽn da yals noy niynsa ye. A pa tedg maan-kʋʋdba sẽn tog n dees taab seem ning ye, a pa teem Levitsa noya ye, tɩ b na n kell yals maan-kʋʋdba sɛɛgẽ n pẽgd la b yɩɩnd beoog sẽn vẽege. A basa ragno-gũudba b zĩisẽ, wala a ba, a Daviid, Wẽnd tʋʋm-tʋmda, sẽn da wilgi.

¹⁵Maan-kʋʋdba la Levitsa dɩ-rɩtem poorẽ menga, b ka bas noor ba a ye n pa reeg ye.

¹⁶Woto la yɛl niyns sẽn zĩndi wẽnd doga poorẽ, a teeda seglgo, a meeba sɩngre n tãag a baasgo, wala sẽn be dĩm dãmba kibara sebrẽ.

¹⁷A Salomo yikame marsã n ta Esiõ-Gebɛr la Eyilat, Rudum Mogra noore, Edom tẽn-peelmẽ.

¹⁸Beelẽ a Iram kɩsa a neba koom-kogendo tɩ b wa kõ-a. A paasa Fenisi neb sẽn mi koom-kogenda rugsgu la mogra nenga. Nin-bãmb n yãag a Salomo neba tɩ b kẽng Ofir n lɛɛg n wa kɩsa sãnem. Sãnema zɩslem: seka neb kobs-yoob la pis-nu zɩɩbo.