Read SEBR SÕNGO, 1998 Esdras 6 Bible Online

Esdras 6 - SEBR SÕNGO, 1998 bible

Esdras 6

¹A Dariyus kɩtame tɩ b vɛɛs sɛba sẽn bĩngd zĩig ningã, Babilon tẽnga.

²Yaa Mɛd dãmb Ekbatan tãnsoben-doog a ye pʋga la b yãend sebr la b gʋlsa sebra zugu tɩ woto yaa sebr sẽn tog n bĩngi.

³A Naama pipi yʋʋmde, a Sirus kõo noor kãnga, Zerizalɛɛm wẽnd dooga poorẽ: «B na n le maneg n me roogã, zĩig ning b sẽn da kʋʋd maandã, a zĩ kudgẽ. A zãndlem na n yɩɩ kãntɩɩs pisoobe, a yalem me boto.

⁴Kug sẽn pees rũnus a tãab zugu, b gãnegda ra-sĩdim paals rũnug a ye. Tʋʋmda yaood paka dĩma.

⁵Rooga teed fãa sẽn ya sãnem bɩ wanzurf, t'a Nabikodonozor tall n loog Babilon, teoog fãa na n leba a zĩigẽ, wẽnd doogẽ wã, fãa na n bĩnga be.

⁶Marsã, bɩ a Tatnayi, Efrat rʋʋnd komber, n paas a Setar-Boznayi, a tʋmd-n-taase la sẽn yi-b Pɛrs tẽnsẽ, bɩ bãmb fãa ra lʋɩɩs b toog ye.

⁷B bas tɩ wẽnd dooga tʋʋm baase, b bas tɩ Zʋɩf rãmba sẽn lʋɩɩs a soab b taoora la b nin-kẽemba lebs roogã n me a zĩ kudgẽ.

⁸Y sẽn na n maan bũmb ning ne Zʋɩf rãmbã nin-kẽemsa sẽn na n lagem yãmb rooga meebẽ la woto: m datame tɩ ligda yi yõora yaoodẽ y sẽn deesd neba nengẽ b tẽnsẽ wã. Yãk-y ligda be n kɩs y sẽn tog n kɩse, wakat fãa la bũmb da paoog ye.

⁹Ad-b sẽn tog n deeg bũmb ninga: lol-bõonese, pe-raado, pe-bi, yũ-noog maoonga yĩnga, alkam, yamsem, rãam, kaam, wala Zerizalɛɛm maan-kʋʋdba sẽn na n wilgã. Y tog n kõ-b-la beoog sẽn vẽeg fãa.

¹⁰Woto b na tõog n wa ne kũun sẽn na n sigs yĩngr Wẽnda sũuri la b pʋʋs tɩ b wogl dĩma ne a kamba yõore.

¹¹Ad-m sẽn leok bũmb ning noora poorẽ; sẽn saaga n tõdg noorã, bɩ b võog a soab roog baafo n lɛɛg n ka-a menga la b kɩt t'a roog lebg tãmpʋʋre.

¹²Bɩ Wẽnd ninga sẽn yãka zĩ-kãnga n na n maan a waoogr zĩiga tus n lub dĩm ning fãa la buud ning fãa sẽn na n tõdg noorã n yik n dat ro-kãnga sẽn me Naaba-Wẽnd yĩng Zerizalɛɛma lʋɩɩse. Yaa maam a Dariyus n yiis no-kãnga la m datame tɩ b tũ m sẽn wilga zãnga.»

¹³Efrat rʋʋnd komberã, a Tatnayi ne a Setar-Boznayi ne b tʋmd-n-taasa maana wala dĩm a Dariyus sẽn datã.

¹⁴[17†] Zʋɩf rãmba nin-kẽemsa kell n talla wẽnd dooga meebo neer-neere, wala bãngd a Aze la a Ido biig a Zakari sẽn da togse. B baasa rooga meebo wala Pɛrs dĩm dãmba, a Sirus, a Dariyus la a Artazerksɛs sẽn da rate.

¹⁵B baasa roogã Adar kiuug pisi la a tãab daare. Dĩm a Dariyus naam yʋʋmd a yoob soaba.

¹⁶Israyɛl kamba, b maan-kʋʋdba, b Levitsã sẽn da yi yembd weooga, fãa maana Naaba-Wẽnd dooga bark ningr kibsa ne sũ-noog kãsenga.

¹⁷Rooga bark ningri yĩnga, b kʋʋ lols koabga, pe-raad kobs-yi, pe-bi kobs-naase. A Israyɛl yel-wẽna sugr kosg yĩnga, boees piig la a yiibu, tɩ Israyɛl buuda sags yaa piig la a yiibu.

¹⁸Wala a Moyiiz noora sẽn date, b pʋɩɩ maan-kʋʋdba b raare, n wilg Levitsa ned kam fãa a tʋʋmde, Naaba-Wẽnd waoogr yĩnga.

¹⁹ [18†] Pa-weta maana paka kibsa pipi kiuuga piig la a naas raare.

²⁰Maan-kʋʋdba la Levitsa ra paam n naaga taab n yɩlge. Woto b tõog n maana Pakã. Paka maand kʋʋ pa-weta fãa yĩnga, b saam-biisa sẽn ya maan-kʋʋdba yĩnga, buuda fãa yĩnga.

²¹Woto pa-wetã, a Israyɛl kamba, naagame n dɩ pakã ne neb niyns fãa sẽn zãag b mense ne bu-zẽmba rẽgdã, n baood a Israyɛl Wẽnnaam.

²²B maana bur sẽn pa lob bɩll kibs ne sũ-noogo dasem a yopoe tõre. B sũ-nooga ra yita Wẽnd meng nengẽ, tɩ bãmb n tedg Asiri dĩma sũuri la b kõ b nus pãnga tɩ b baas Israyɛl Wẽnnaam doogo.