Read SEBR SÕNGO, 1998 Neemi 11 Bible Online

Neemi 11 - SEBR SÕNGO, 1998 bible

Neemi 11

¹Buuda kãsem-dãmb tɩ kẽe Zerizalɛɛm. Neba taaba ra leba b tẽnsẽ. Sẽn na n yɩlẽ n pids na-tẽngã, neb piig zugu, b sʋka nin-yend n paalg Zerizalɛɛm, Wẽnd tẽn-sõnga pʋgẽ. Sẽn kell-bã kẽe b tẽnsẽ.

²Neba sũur yɩɩ noog wʋsgo b sẽn paam tɩ kẽer sak n tɩ kẽ Zerizalɛɛm.

³ [35†] Ad kombɛɛmba sẽn kẽ-b Zerizalɛɛm yʋya. Sã n ya ne maan-kʋʋdbã, Levitsã, noakensã, na-yir dãmba kamba (a Salomo na-yir dãmba) ned kam fãa paa a tẽngẽ.

⁴A Zɩɩda ne a Bẽnzame kamba da kẽeda Zerizalɛɛm. A Zɩɩda kamba: a Ataya, a Perɛs roogẽ, a Malaleyɛl biig a Sefatiya yagenga. Ad-a Amariya, a Zakari, ad-a Uziya,

⁵ad-a Maaseya, a Barʋk biiga, a Kol-Oze biiga, a Azaya biiga, a Adaya biiga, a Zoyarib biiga, a Zakari, Silo raoa

⁶A Perɛs yagensa sẽn ti-b Zerizalɛɛm da yaa kobs-naase la pisoob la a nii, neb sẽn sek zabr bobre.

⁷Ad-a Bẽnzame kamba: a Salu, a Itiyɛl biiga a Yesaya yagenga, a Maaseya, a Kolaya, a Pedaya, a Zoyɛd la a Mesulam, biiga,

⁸n paas a yaopa: a Gabayi, a Salayi, bãmb kobs-wɛ la pisi la a nii.

⁹Yaa a Zikri biig a Zowɛl n da ya bãmb kãsma, n paas a Yewuda, a Asenuwa biiga, yẽ n da ya tẽnga naab sõangda.

¹⁰Ad maan-kʋʋdbã: a Yedaya, a Zoyarib biiga, a Yakẽ,

¹¹a Seraya, maan-kʋʋd kãseng a Ayitub ba a Merayot yagenga, ne a Sadok, a Mesulam, la a Ilkiya,

¹²n paas neb kobs-nii la pisi la a yiibu, sak a ye kamba, sẽn da get wẽnd dooga tʋʋm yelle; n paas a Adaya a Malkiya, a Pasewur yagense, n paas a Zakari, a Amsi, a Pelaliya, la Zeroam,

¹³bãmb ne b sak kãsem-dãmba, bãmb kobs-yi la la pis-naas la a yiibu; n paas a Amasesayi, a Imɛr ba a Meselimot yagene; n paas a Azayi, a Azarɛl,

¹⁴bãmb ne tãb-biis sẽn yaa sũ-keelem dãmba, bãmb koabg la pisi la a nii. A Zabdiyɛl, a Agedolim biiga n da so ba.

¹⁵Levit dãmba: a Semaya, a Buni ba a Asabiya yagense, a Azrikam, a Asub.

¹⁶Le paasa Levitsa kãsem-dãmba a Sabetayi ne a Zozabad, sẽn so wẽnd dooga yɩng tʋʋma.

¹⁷Le paasa a Mataniya, a Asaf ba, a Zabdi yagenga ne a Mika, yẽ n da pʋt pẽgr yɩɩla pʋʋsga wakato, ne a Basbukiya, a Mataniya saam-biig a ye, n da sõangd-a. Ad yɛsa a Abda, a Yedutun ba, a Galal yagenga, n paas a Samuwa.

¹⁸Dɩlla Zerizalɛɛm pʋgẽ Levitsa zãng da taa neb kobs-yi la pis-nii la a naase.

¹⁹Ad dagno-gũudbã: a Akub, a Talmo ne b yaop sẽn da so rignoya gũubu, bãmb koabg la pisopoe la a yiibu.

²⁰Israyɛl kamb a taaba, maan-kʋʋdba la Levitsa kẽer pa b tẽnsẽ, a Zɩɩda soolmẽ, ned kam fãa a buud pʋɩɩrẽ.

²¹Sã n ya noakensã, bãmb da kẽeda Ofɛl; b kãsem-dãmb la a Sia la a Gisepa.

²²A Uzi n da ya Levit dãmba naab Zerizalɛɛm. A Uzi da yaa a Mika ba, a Mataniya yagenga, a Asabiya ne a Bani n da sõangd-a. B ba roog la a Asaf roogo, bãmb n so yɩɩla wẽnd doogẽ.

²³Dĩma ra kõo noor yɩɩn-yɩɩndba poorẽ la b ra yiisa sebr n wilgd ned kam fãa tʋʋm beoog sẽn vẽege.

²⁴A Petayiya, a Mesezabɛl biiga, a Zɩɩda biig a Zera roogẽ n da get zãma wã yell Pɛrs dĩma zakẽ.

²⁵A Zɩɩda yagens kẽer da kẽeda tẽn bõonesã sẽn da yɛdg tẽn-nabrẽ wa Kiriyat-Arba ne a tẽn-toose, Dibõ ne a tẽn-toose, Yekabseyɛl ne a tẽn-toose.

²⁶N le paas Yesuwa, Molada, Bɛt-Pelɛt,

²⁷Asar-Suwal, Beerseba ne a tẽn-toose,

²⁸Siklag, Mekona ne a tẽn-toose,

²⁹Eyin-Rimo, Sorea, Yarmut,

³⁰Zanoa, Adulam ne b tẽn-toose, Lakis ne a pʋto, Azeka ne a tẽn-toose; bãmb da basda Beerseba nug-rɩtgo, n basd Inom bãg-faaga nug goabga.

³¹A Bẽnzame kamba ra kẽeda Geba, Mikmas, Aya, Betɛl ne b tẽn-toose,

³²Anatot, Nob, Ananiya,

³³Asor, Rama, Gitayim,

³⁴Adid, Seboyim, Neballat,

³⁵Lod, Ono la tʋʋm-mitba bãg-faagẽ.

³⁶Zɩɩda Levit dãmb kẽere tɩ kẽe n naaga a Bẽnzame rãmba.