Read SEBR SÕNGO, 1998 Neemi 2 Bible Online

Neemi 2 - SEBR SÕNGO, 1998 bible

Neemi 2

¹A Artazerksɛs naam sẽn wa n pid yʋʋm pisi, nizã kiuug pʋgẽ, m waa n kotã rĩma rãam tɩ rẽ n da ya m tʋʋmde la a mikame tɩ m neng gãnemame, la m neng da zɩ n gãnem bada.

²Yaa rẽ la dĩma sok-ma: «Yaa bõe yĩng la f neng ya dusa? F yaool n ka bãad la? Yaa bõe sũ-sãang n tar-fo?» M sũura sɩnga kiuusgu,

³[3†] la m waa n tõog n yeela dĩma: «Dĩm sõngo, Wẽnd na wogl y yõore! La ges-y wɛ, m neng yɩta wãn n ka gãneme tɩ m ba rãmb sẽn gãe tẽng ninga lebg raboogo, t'a kʋɩlens lebg bug-rɩɩndo?»

⁴Dẽ la dĩma sok yã: «Bõe la f rata?» M sẽn pʋʋs yĩngr Soaala,

⁵m leoka dĩma woto: «Wẽnd na kaoos-y y gãagẽ la y sã n nong-ma bɩ y bas-m tɩ m kẽng Zɩɩda, m ba rãmba yaad sẽn be tẽng ningã n tɩ yik a lalse.»

⁶Dĩma sok-m lame, la dẽ tɩ na-paga ra zĩ-la a sɛɛgẽ: «F kẽnda na n kaoosa kiis a wãna? F na n lɛɛg n waa ra-bʋre?»

⁷M le paasame: «Sã n ta y yam, y kõn kɩs-m sɛb tɩ m kõ Efrat rʋʋnd kombɛɛmba tɩ b bas-m tɩ m loog n ta Zɩɩda?

⁸La y kõn paas sebr a to a Asaf yĩnga, dĩma tɩɩs naaba yĩnga t'a sõng-d ne raado sẽn na n ka tãnsoben-dooga kʋɩlense? Ro-kãng la sẽn pẽ wẽnd dooga. A sõngd ne raad niyns fãa d sẽn tar b rãmb tʋʋmde, lal-gũbrã la m meng roog yĩnga.» Dĩma kõ-m-la sɛbã. Soaala-Wẽnd ka zãag-m ne b sõngr ye.

⁹M sẽn ta kombɛɛmba nengẽ, kombɛɛmb nins sẽn kẽed nin-taoor tẽnsã, m kɩs b la sɛbã. Dĩma kɩtame tɩ tãnsoab-bi la wed-dʋʋdb yãag maam.

¹⁰A Sanebalat, Orõ tẽng raoa la a tʋmd-n-taaga, Amonitga a Tobiya, sẽn wʋm m waoongã, b sũur pa yɩ noog ye. B ra pa rat tɩ ned pʋg Israyɛl dãmba poor ye.

¹¹M sẽn ta Zerizalɛɛm, m paa be rasem a tã.

¹²M pa wilg ned ba a ye Naaba-Wẽnd sẽn da ning m sũurẽ tɩ m maan Zerizalɛɛm yĩng ye. Dẽ poore m yika ne yʋngo n kɩt tɩ neb bilf bal yãag-ma. Rũng a to me ra ka paase sã n ka m sẽn zomb bõang ningã.

¹³M yii ne yʋngo. M tũu noor ning sẽn tees bãg-faagã. M teesa wag-bãnda bãka la tãmpʋʋra noore. M gesa Zerizalɛɛm lal-gũbra. M yãeeme t'a lʋɩɩ zĩig-zĩiga la bugma dɩ-la a kʋɩlensã.

¹⁴M kell n gilgame n ta ko-bundga noore, n ta dĩma kʋɩlga. Be tɛka bõanga ka le yãend a sẽn tõe n tũ zĩig ning ye.

¹⁵M lɛɛg dʋʋga Sedrõ sudga ne yʋngo n maneg n ges lal-gũbrã. Woto m sẽn ta tãnga pende, m gilga fãa n sege.

¹⁶Tẽnga soaalba ka bãng m sẽn kẽngẽ la m sẽn da rat n maan bũmb ning ye. M da nan pa yaag m noor n togs Zʋɩf rãmba tɩ bũmb ye. M da nan ka wilg maan-kʋʋdba, bɩ kãsem-dãmba, bɩ nin-kẽemba, bɩ a mi-saglsa rãmba, bɩ taoor dãmba ye.

¹⁷Yaa wakat kãng marsã la m yeel-ba: «Yãmb nee d sẽn be nimbãaneg ning pʋga, Zerizalɛɛm rota lebga wãando, a kʋɩlens rɩɩ bugum. Wa-y tɩ d le me a lal-gũbra tɩ b ra le paam n tʋʋs-d ye.»

¹⁸M wilg-b lame menga Wẽnd nimbãan-zoeera nug sẽn tik-m to-to. M wilg-b-la dĩma koɛɛga. Dẽ la b naag taab n yeele: «D yik n sɩng meebo.» Baad-y b sɩd ninga pãng ne b tʋʋmd sõngã.

¹⁹B sẽn wʋm dẽ, Orõ daoa a Sanebalat, Amon daoa a Tobiya, a tũud-n-taaga la arabga a Gesem sɩnga tõnd laado. B waa n yeel-d lame: «Bõe la yãmb maand ka? Yãmb dat n yii dĩma soolmẽ laa?»

²⁰Dẽ la m leok-ba: «Yaa Yĩngr Soaala n na n kɩt tɩ tʋʋmda baas neere; tõnd sẽn ya bãmb yemsã, yaa tõnd n na n yik n sɩng tʋʋmna. Yãmb yee n bãng tɩ Zerizalɛɛm pʋgẽ y ka so fɩ, y ka tar noor n kõtẽ, ned ka sokd-y yell ye.»