Read SEBR SÕNGO, 1998 Zudit 3 Bible Online

Zudit 3 - SEBR SÕNGO, 1998 bible

Zudit 3

¹Woto wã, Nin-taoor dãmba kong n yiisa neb sẽn na n tɩ gom laafi goama ne a Olofern.

²B tɩ yeelame: «Tõnd fãa yɛsa dĩm kãseng a Nabikodonozor taoore. Maan f sẽn dat ne-do.

³Fo n so sẽn dɩg f taoora fãa: d wuba, d tẽn-peelem, d pʋto, d dũmsi. D sẽn tar d pʋtẽ wã, maan f sẽn dat ne rẽ fãa.

⁴D tẽn-bɛda ne b kẽedba lebga f yemse, wa kẽ, wa maan f sẽn date.»

⁵Sẽn tʋm b rãmba sɩd wa a Olofern taoore la b goma wala sẽn togsã.

⁶A Olofern yega mogra noor, yẽ ne a tãb-biisi, n ning neb sẽn na n gũ tẽn bɛda, n zĩnd tẽngre, n yãk tẽnga kamba kẽer n paas a tãb-biisa sõore.

⁷Zĩis fãa tẽnga rãmb da yit n segd-a-la ne puudu la b saood ne gãngã-gilsi.

⁸A sãama b tẽnga neng zãng, n kɛ b tʋg niyns sẽn da ya wẽn-naandsa waoogr zĩisi, t'a sẽn da ning a yamẽ, yaa menes wẽn-naand buud fãa dũni wã pʋgẽ tɩ dũni rãmba fãa waoog a Nabikodonozor la b waoog yẽnda a ye tãa, tɩ zelemde, la buud fãa kils-a wa wẽnde.

⁹A waa n taa Esdrelõ, Dotayim sɛɛgẽ, Zɩɩda tãmsa taoore.

¹⁰A wẽ-la a sikã Geba ne Sitopolis sʋka. A paa be kiuug tõre n le tigs zabra sẽn pa rat tɩ bũmb ba a ye paoogã, wa zab teedo, wala rɩɩbo.