Read SEBR SÕNGO, 1998 Zoob 16 Bible Online

Zoob 16 - SEBR SÕNGO, 1998 bible

Zoob 16

¹A Zoob yeelame:

²Naoor a wãna la m kelg goam faad a woto. Sã n ya neb sẽn dat n maas m sũur koees la woto, sũur maagr nan ka ye.

³Y sẽn leok-m-la woto: «F goam faada sɛɛme?» N le paas yɛsa: «Ãnda n modg-foom tɩ f gome?»

⁴Y sã n da beẽ la m zĩigẽ tɩ mam beẽ y zĩigẽ, m me ra na gomẽ wa yãmba, la m me na tãoosẽ daoodo, m me ra na gomẽ ne tɩtaam.

⁵M me ra na gomẽ n keng y sũuri, la m goam minima na sõogẽ y sũura kaam.

⁶Mam sã n gomda, m namsga ka woogd ye, m sĩndri me, bõe n na n loog ne-a?

⁷Marsã wã yaa n looga toogo. N-ye! M yagsa fãa wɩlg n bas-m lame.

⁸Kʋʋlma kell n bẽesa m diira ne a wãka, tɩ m faagra ya kaset sẽn naag n mongd-m bʋʋm, n mongd m bʋʋm tɩ Wẽnd bɛ bal la b zãad woto.

⁹N-ye! M bɛ wã baood-m-la ne sũ-puuri n na n tõs zɛrma, a yẽna kẽrsdame n dat n yĩ-m, m bɛ wã nin gẽend-m lame.

¹⁰A yaaga a noor n tees-ma, n tʋʋsd-m la a laand-m pegse, neba fãa sũu taab n na n yẽeg-ma.

¹¹N-yẽe, Wẽnd n bas maam bi-yaalg nugẽ, bãmb n bas maam nin-wẽens nugẽ!

¹²M da zĩi ne laafi tɩ b wa miim-m wa tɩɩga; n gãd m kãare n kaoog m yubla, n yals-m tɩ tãbda rãmb tar-m tãoobo.

¹³Pɛɛma tão-m lame n gilgi, b pooda m lʋga, n pa zoet m nimbãaneg ye, m yama pusgame n daag m sãoorẽ.

¹⁴B kõsa m yĩnga n põ yaare, b wudg n kẽe-maam wala tãb-biiga.

¹⁵Sũ-pa-noang fuuga ka le yeegdẽ ye, la dĩira yuga tom.

¹⁶M yãbame tɩ m nina fãa mooge, m nina vẽbsd n paasdame.

¹⁷M yaool n ka maan ned pãn-tõog ye, la m kosga ra ket n tũuda sore.

¹⁸Bɩ tẽnga ra yũ m zɩɩma ye, bɩ m kɛlenga sãde, n sãde.

¹⁹ [13†] Yĩngri m tara m kaset soaba, m tara ned sẽn na n wa yals m poorẽ.

²⁰M vɩɩma kaset soab la sẽn bɛɛ yĩngrã la bãmb la m tees n gomd tɩ m nintãm dʋʋgdẽ

²¹Bɩ sẽn na n sõnga maam n zab ne Wẽndã, a wa sõng-m wa Adem biig sẽn sõngd a to.

²²La kato! A kaoosda, tɩ m yʋʋma yaool n sõd n dɩg, tɩ m zoe n dɩk ra-babs-sore.