Read SEBR SÕNGO, 1998 Zoob 18 Bible Online

Zoob 18 - SEBR SÕNGO, 1998 bible

Zoob 18

¹A Bildad, Suwa daoa, deega goama n yeele:

²Yãmb na n yaa n sĩnda da-bʋre? Yaas-y n tags-y. Dẽ poore tõnd n na n gome.

³Bõe tɩ d na n bas tɩ b bool-d tɩ neb sẽn ka yam? Bõe tɩ f mams tõndo, Zoob, wa neb sẽn ka tõe n wʋm bũmb võore?

⁴Fo sũurã sẽn fõog la fudugd woto wã, fo ratame tɩ nin-yend yĩnga, bɩ tẽnga fãa wa lebg zĩ-peen-daaga, tɩ pĩisa bilim n teem zĩis laa?

⁵Nin-wẽng vẽenem sobdame, a bug-toaalga ka tog n le wid ye.

⁶ [14†] A roog lebgda lika, a fitila sẽn da wit a zugẽ wã kiida tama.

⁷A da kẽndame t'a nao kida limsd taaba, marsã a kẽnd n lamsdame.

⁸Bẽdgo n koomd a nao, la yaa bẽdga wĩ wã la a tabd n kẽnda.

⁹Bẽdga na n gaaga a nao-kãsen-kãarã, wĩira na n loe-a-la ra-long-sore.

¹⁰Wĩir n maneg n gãneg tẽnga n maneg n solg bokẽ, a sora zugu.

¹¹Pɛlen-yɩk n tar-a, n pʋgd-a a sẽn dabd zĩig ning fãa.

¹²Yẽ sẽn da ket n wɩɩd ne pãnga, ad kom sẽn gãneg-a tẽnga tɩ nimbãaneg lebg a pak-n-taaga,

¹³a na kɩt t'a lelem a yĩn-gãongo. La tẽn-kũum sẽn ya toaaga n yɩɩd a taaba, n wat n vel-a.

¹⁴B na n yiisa nin-wẽng a roog maasmẽ n vuu-a, n tɩ kɩs a yɛɛsgo naaba.

¹⁵A le ka so a roog ye, tɩ neb na n deeg n kẽ, b na n dɩka kidibri n yugl a vẽenema gilli.

¹⁶Tɩɩga na n kʋɩ-la a yẽgnẽ t'a wil be yĩngri n kaoodẽ.

¹⁷Tẽnga fãa gilli yĩma a yelle, t'a yʋʋr kell n menem zãnga.

¹⁸B yiis-a-la vẽenemẽ n tɩ lob likẽ, b yiis-a-la zamaana rãmb sʋka.

¹⁹Yẽ n ka roagda, yẽ n ka yagenga nin-vɩɩg ka kell a zakẽ ye.

²⁰A baasga wẽnema yɩka nin-taoor dãmb pɛlenga, n yaand yaang rãmb sũuri, tɩ b gomda:

²¹«Sẽn kees a ka-zoet-Wẽnd-nif zakẽ la woto, zak ning sẽn ka mi Wẽnda sẽn lebg la boto!»