Read SEBR SÕNGO, 1998 Zoob 23 Bible Online

Zoob 23 - SEBR SÕNGO, 1998 bible

Zoob 23

¹A Zoob gomame n yeele:

²M modgame n na n sɛɛs m yãbrã mik m yãngd-a lame n paasdẽ.

³M sã n da miẽ Naaba-Wẽnd sẽn beẽ wã m na maanẽ m sẽn na n maanega n paam n ta b zaoorẽ wã.

⁴Bãmb taoore m na togsẽ m koɛɛga, m noora na bãng a sẽn na n togsẽ.

⁵M na bãng b sẽn na gomẽ n leok-ma, la m na wʋmẽ b goama võore.

⁶B leoba na yɩẽ zabr sɩda? Ayo! B maagdẽ la b meng n kelg-ma.

⁷B na mikẽ tɩ b bʋʋd-n-taaga yaa nin-tɩrg menga, m na gomẽ n yiis m meng yellẽ.

⁸Bʋko! M ka mi b sẽn beẽ ye. Yaanga, b ka beelẽ ye. Nin-taoore, m ka yãet-b be ye.

⁹B tʋmda b tʋʋma nug goabga, m ka ne-b be ye, B solga b meng nug rɩtgo, dẽ la zãng zãnga.

¹⁰Wẽnd yẽ yaool n mii sor ning m sẽn dɩke, b sã n los maam b boaagẽ, m na yi yɩlgemde wa sãnem.

¹¹Mam zẽka m naoore n sagl bãmb dẽnnẽ, m tũu bãmb sorã n ka bʋdg moog ye,

¹²m deega b noore la m pa salg n lʋɩ ye. M lebsa m meng poorẽ n tũ bãmb raabã.

¹³La bãmb sẽn pa gird n le gõmsã, ãnda n na n lek-ba? B yamleoog la b tũuda.

¹⁴Bʋʋda b sẽn bʋ wã n yɛse, m dẽnna wala m taaba bʋʋd ka teemd ye.

¹⁵Dẽ n kɩt tɩ mam yɛɛsd bãmb taoore, m sã n tags fãa b rabeem kẽed-m lame.

¹⁶M raooda booga Wẽnd taoore, Pãng-Soaba yaool n maana m sẽn da pa tẽede

¹⁷tɩ b ka põsg-m me ne lika sẽn wat me, b pa menes-ma tɩ lik nan ka yãmb zĩig ye.