Read SEBR SÕNGO, 1998 Zoob 3 Bible Online

Zoob 3 - SEBR SÕNGO, 1998 bible

Zoob 3

¹A Zoob waa n yaaga a noore n na n kãab a rogma raar beedo.

³M tʋllẽ-la ne sũur fãa tɩ Wẽnd yẽesẽ m dogma daare, n yẽesẽ yʋng ninga sẽn walme: «Biig n na n wa moogo!»

⁴Bɩ b sõd ra-kãnga wa lik sẽn pid lik raare! Bɩ Wẽnd da le zĩnd yĩngrã n tẽeg a yell ye! Bɩ vẽenem buud da yãg a zug ye!

⁵Bɩ lik sẽn pid lik wa reeg-a n yãmbe, tɩ sawad-taok wa lud-a, tɩ wĩndga booga a vẽenema boog-bãnde!

⁶Bɩ yʋng kãng yɩɩg a taab ne lika, a raara kell n menem zãnga tɩ b sõt n boogd kiuug kãng raar a ye.

⁷Bɩ rogem zãag ne yʋng kãnga, a beoog vẽeg tɩ sũ-noog kaasg pa tol n kaas ye!

⁸Bɩ bagba la mitba sẽn tõe m kãab tɩ tũ, la b tõe n nek wag-bãnd a Leviatã, bɩ b kãab yʋng kãnga kãab-beedo.

⁹A tõd-beoog ãdg ra tõog n puk ye a gũ beoogo tɩ sõor tõdg pukri, a gũ beoog vẽegre n kell n pa ne lika.

¹⁰La rẽ yaa a sẽn ka maan bũmbu n gɩdg m waoong dũni pʋgẽ, n gɩdg nimbãaneg ning sẽn yaa m dẽnd dũnna wã.

¹¹Bõe yĩng tɩ mam ka ki m ma pʋgẽ, bɩ m sẽn doge, bõe yĩng tɩ m pa wẽneg n ki?

¹²Bõe tɩ pag sagl-m a naoẽ? Bõe tɩ m yẽsma a bĩs a yi n vɩɩnde?

¹³Marsã tɩ m pa gãeẽ yĩn-maasem zĩigẽ, marsã tɩ m gõẽ-la m laafi gõeem,

¹⁴ne rĩm dãmba la nin-bɛda, ne dĩm niyns sẽn da baood yʋʋre, n yikd raboodo sẽn da lʋɩ.

¹⁵Ka rẽ bɩ m beẽ ne na-koms sẽn gãe ne sãnem, tɩ b rot bolg ne wanzurfu.

¹⁶M yɩtẽ la wa pa-tare sẽn wẽneg n bus n menese, m yɩtẽ la wa bi-pɛɛlg sẽn ka yãend wĩntoog vẽenem.

¹⁷Ad-y kɩɩmkulgã, nin-wẽnsa ka le mi vɩg-vɩg ye, beelẽ yaamsa rãmb sɩnga vʋʋsgo.

¹⁸Sẽn da pag b rãmb rooga paamda laafi, b ka le wʋmd b gũudb toosa bʋʋr ye.

¹⁹ [3†] Yem-daoog ne a zu-soaba, wĩir ka b sʋk ye. Bõoneg la bɛda, fãa zema taaba,

²⁰Vɩɩma kõta sẽn namsda bõe yĩnga? Sẽn tar-a tooga reegd-a-la bõe yĩnga?

²¹ [4†] Wʋsg boonda b kũum t'a tõt waoongo, sẽn vɛɛsd-ba n baood kũum bãmb sõor n yɩɩd arzɛka baoodba; b baood a lame n yɩɩd arzɛka,

²²bãmb sũ-noogo yãẽ la yaoogo, b kɩdeng la b sẽn taẽ a pʋgẽ.

²³M yaa ned sẽn ka mi a sẽn lebdẽ ye la ya wa Wẽnd mee lalga n gũbg-ma.

²⁴Sã n yet tɩ m dɩ, yaa kũsga, yaa toog bal n tar-m tɩ m waasdẽ.

²⁵M sẽn zoet bũmb ningã n tat-ma, m sẽn ligind bũmb ningã n gãd-ma.

²⁶Mam nengẽ vʋʋsg ka ye, laafi ka ye, sẽk ka ye, pɛt bal la m zĩ ne.