Read SEBR SÕNGO, 1998 Yɩɩla 1 Bible Online

Yɩɩla 1 - SEBR SÕNGO, 1998 bible

Yɩɩla 1

¹Zu-noog soaba la ned ning sẽn ka kelgd nin-yood saglse, n ka rɩkd so goalenga la a ka sõsd ne sẽn nong-a a taab laado.

²Sẽn noom nin-sõng yaa Soaala noorã, la rẽ la a bʋgsd wĩntoog la yʋngo.

³ [1†] A wẽnda tɩɩg sẽn sel kʋɩlg noore, n womd a biisi, a wakato, t'a vãad ka tol n sʋʋgdẽ ye. Nin-sõng sẽn sɩng fãa baasda neere,

⁴la bada, ka woto ne sẽn ka mi-b Wẽnda ye! Sẽn ka mi-b Wẽndã, bãng ka-fɩɩba sobg sẽn dɩk n looda.

⁵Bʋʋda raare nin-yooda zug kõn zẽk ye, nin-sõma wã lageng zĩigẽ, nin-wẽnsa me zug kõn doog ye.

⁶Soaala mii nin-sõma wã sore, a yaa tɩrga, la nin-wẽnsa sor bʋta moogo.