Read SEBR SÕNGO, 1998 Yɩɩla 101 Bible Online

Yɩɩla 101 - SEBR SÕNGO, 1998 bible

Yɩɩla 101

¹A Daviid yɩɩlle. M sẽn dat n pẽg ne m yɩɩla la woto: n pẽg y nonglma la y sẽn dat zemsgã. Yaa yãmba Soaala la m dat n pẽg ne yɩɩla.

²M na n baoome n bãng bõe la m na n maan tɩ zemse. M dat n bãnga y sẽn na n sig maama wakato, tɩ m bãng n tall m meng neere, n da wa wẽneg m yagsa ye.

³M kõn pʋg sẽn ka sõmb ye, m kõn bas m tẽeb tɩ sãam ye, m kõn maan bũmb sẽn wẽnd dẽ buud ye.

⁴M na n zãaga m meng ne nin-yoogo tɩ m ka rat n bãng yel-wẽnd ye.

⁵Ned ninga sẽn soosd n lukd a taab bãongo, m na modg-a t'a sĩndi, m pa nong sẽn get-b taab ne sãbsg ye la sẽn wuk-b ne wilg-m-meng ye.

⁶M na n tũusa tẽnga neba, m sẽn mi b rãmb pʋga, n zĩndig m sɛɛgẽ. Ned ninga wɩɩm sẽn ka tar kɛka, yẽ soab n na n yɩ m kug-zĩida.

⁷Ned ninga sẽn minima n tudgd a taaba yẽ soab ka tar zĩig m zakẽ ye, zirẽ-be-rãmba me boto.

⁸Beoog sẽn vẽeg fãa m na kɩte tɩ tẽnga nin-wẽnsa fãa noor mumi. M na yiis nin-wẽnsa fãa Wẽnd tẽnga.