Read SEBR SÕNGO, 1998 Yɩɩla 104 Bible Online

Yɩɩla 104 - SEBR SÕNGO, 1998 bible

Yɩɩla 104

¹M ned sõngo, pẽg Soaala! Soaala-Wẽnde, yãmb labsa! Yãmb naama pɩnda wa wĩntoogo,

²vẽenem la yãmb dɩk n pil wa fuugu, y yɛdga saaga wa maasem tɩɩga.

³Yaa yĩngr la yãmb tɩ zaoolg y roogã, y zomba sawatã wa naab sẽn zomb a bilim-bilm, yaa ne sobga pɩgs la y kẽnda.

⁴ [120†] Y tʋʋm-tʋmdba la sobgo, la sobga tʋʋla wa bugum.

⁵Yãmb n vigl tẽngã a zĩigẽ la bũmb kõn luk-a abada.

⁶Mogra la y rɩk n pila wa fuugu; tãmsa me n da kokd kooma.

⁷La y sẽn wilg kooma y raabo, kooma wʋma saaga sẽn kelme n yɛɛse,

⁸n na n sig tãmsã la bãg-faasã n tees y sẽn wilga zĩig ningã.

⁹Y wilg-a-la toaag a sẽn ka tog n gãndge, y yeel-a lame t'a ra le wa rɩ tẽnga ye.

¹⁰Wẽnd kɩtame tɩ kooma sẽn pusg n yi wã kẽ sudsã wa b sore, n gind tãmsã.

¹¹Ko-kãng n yũnugd yir rũmsã bãmb me la burgumd teeg n na n kiis a ko-yũudu.

¹²Yĩngr luiili wã me pa zãagd b tʋgdã ne kooma ye, la b bee tɩɩsa maasmẽ n yɩɩnẽ.

¹³Wẽnd be-la b zĩigẽ n zãgsd tãmsã b modgdame tɩ koom sek tẽngã.

¹⁴Yaa bãmb n kõt rũmsã b yamdo, bãmb kɩt tɩ tɩɩsa womd biisi, tɩ ninsaal paamd a rɩɩbo;

¹⁵n paamd rãam sẽn noogd sũuri, n paamd kaam n zɛɛd b yĩnga, n paamd bur n paasd b pãnga.

¹⁶Tɩ bɛda menga, wala sẽn yit-b Libã, paamda koom tɩ sekd-ba, Soaala.

¹⁷Luiili wã wat n yagenda b tʋgdo, tɩ kʋɩl-piisa me samd b rẽnna tɩ-neeba zutu.

¹⁸Tãmsa zutu la yãgsa me sõsda, tɩ kɩɩsa reemd pĩisa bogdẽ.

¹⁹Kiuuga yitame la a kiidẽ, yaa y tig-raasa la b sõta. Wĩndga mi-la a lʋɩɩs sasa.

²⁰Y bool yʋngo, y bool lika, tɩ tʋgẽ dũmsa fãa na yi b gãasẽ.

²¹Bõnyẽeg ningda rãamde, n baood bũmb n na n yõke, a kota Wẽnd tɩ b kõ-a a rɩɩbo.

²²Zĩig sã n yẽeg tɩ bõnyẽeg leb a gãagẽ.

²³Ninsaal me yita a tʋʋmde, a na n pa-la a pʋʋgẽ n ta zaabre.

²⁴Ad-y y tʋʋma labsa, Soaala, la y zulga y yam n maan bũmb fãa, tẽnga fãa pida ne y sẽn naane.

²⁵Ad mogrã. A wogma, a yalma, a zulma. A pʋgẽ wã yaa rũms ka tɛka, bɛd la bõonego.

²⁶ [121†] Mogra zug la koom kogenda kẽnda, mogra pʋg me y ninga bõn-nind a Leviatã a bee be n pʋgemdẽ, tɩ y mii n wa ges-a n pusg laado.

²⁷B fãa teega yãmba n na n dɩ b rɩɩbo, wakat sã n ta bala.

²⁸Y sã n kõ-ba b reegdame, y sã n yaag y nugu, b rɩtame n tɩge.

²⁹Yãmb solgda y nenga tɩ rabeem kẽ-ba. Y sã n deeg b yõore, b yita moogo. Toma lebda a tomẽ.

³⁰Y sã n le lebs-b vɩɩm, bõn-paals la y yag yã, tẽnga neng lebd n teemame.

³¹Bɩ y paam pẽgr wakat fãa Soaala. Noog-y y sũur ne y sẽn maana fãa.

³²Yãmb geta tẽngã t'a sɩng miungu, y nug-bil sɩɩs tãmsã la b sẽn sobd ne bug-zõose.

³³M dat n pẽg-y-la ne yɩɩla, m vɩɩma tõre. Beoog sẽn vẽeg-m fãa ne yõore, m na pẽg yã.

³⁴Bɩ m yɩɩla ta y yam, m Soaala. Yãmb sẽn yaa m Wẽndã, m sũ-noog pida zãnga.

³⁵Ad-y neb niyns toog sẽn ka be ne yãmba tog n yii moogo. Bɩ yel-wẽn-maandba la sẽn ka mi-b yãmba naag n menem zãnga. N-ye! M dat n pʋʋs-y-la barka, Soaala. Soog-y pẽgre, kaoos-y zamaan ne zamaana!