Read SEBR SÕNGO, 1998 Yɩɩla 108 Bible Online

Yɩɩla 108 - SEBR SÕNGO, 1998 bible

Yɩɩla 108

¹A Daviid yɩɩlle.

²Y pids-m-la ne sũ-keelem, Soaala, tɩ m na n yɩɩlle la m pẽg-y ne m sũura pãng tɛka.

³La yãmb me bee yɛ, m ruudg la m kʋnde, tɩ m maan noogo n nek sõore?

⁴M na n pʋʋs-y-la barka, kʋʋnga sʋka m dat n pẽg-y-la bu-zẽmba sʋka, Soaala.

⁵Y nonglma tãoome n kul sagãna y pʋlenga kõn vaala le yaa vẽeneg ne neb fãa.

⁶Soaala, zẽk y yʋʋrã t'a kul yĩngri, tɩ y ziira reeg tẽngã n yãmbe!

⁷Bɩ y modg n leok-do la y rɩtga me maan bũmbu n fãag y sẽn nong b rãmbã.

⁸Wẽnd zĩnda b roogẽ wã n leoke: Maam n maand raoodo. M maanda ne Sikɛm wa m sẽn date, m pasda Sukot vẽenem.

⁹M Soo Galaad, n so Manase, a Efrayim la m dɩk n fõgne m zugu wa zug-peoogo, a Zɩɩda n ya m naam dasaare.

¹⁰A Moab yaa m la-zulunga, yẽ pʋgẽ la m pegd m menga. A Edom yaa m soolem, rẽ ka be no-koeemd ye. Filisti poorẽ, m kaasa m sũ-noog kaasgo.

¹¹Ãnda n na n sõng-m tɩ m paam n ta tãnsoben-dooga pʋga? Ãnda n na n sõng-m tɩ m ta Edom?

¹²Sã n ka yãmba, Soaala? La yãmb yaool n basa tõndo n pa le yãagd d tãb-biisa zabrẽ ye.

¹³Wa-y n sõng-y-d ne d bɛyã tɩ laong ka yaagd laong bugmẽ ye.

¹⁴ [161†] Wẽnd sã n be sʋka d na maan daoodo tɩ yaa bãmb n na n tab d bɛɛba gilli.