Read SEBR SÕNGO, 1998 Yɩɩla 112 Bible Online

Yɩɩla 112 - SEBR SÕNGO, 1998 bible

Yɩɩla 112

¹Wẽnd soog pẽgre! Zu-noog soaba la sẽn zoeta Soaala n deegd b noyã.

²A buud kɩɩ yẽgna tẽng zugu, la Wẽnd ningda nin-tɩrs buud barka.

³A zak kõn kong laogo la arzɛk ye, a keld n yɛsa a sõmblem zugu daar fãa.

⁴Vẽenem n na n puk likẽ nin-tɩrs yĩnga, tɩ Wẽnd mii zemsgo, n tar nonglem la nimbãan-zoeere.

⁵Sẽn kũmd-a a to n pengd a bũmbu maanda neere. A na n gesa a zaka yɛl ne zemsgo.

⁶A vigla a meng daar fãa yĩnga, a yʋʋr kõn tol n menem ye.

⁷A kõn zoe soy zut gom-yood ye, a teega Soaala t'a sũur kegme,

⁸a ka na n zoe bũmb ba a ye; a tõe n yĩgsa a bɛɛba.

⁹ [167†] A paama wʋsg n kõ naong rãmba, a sõmblem na kell n pʋg-a, a zug na kell n zẽke.

¹⁰Nin-wẽng nee-a lame t'a kẽnda t'a sũur puudẽ. A wuka ne beem la a ka le so a meng ye; nin-wẽnsa geels na n paa faado.