Read SEBR SÕNGO, 1998 Yɩɩla 136 Bible Online

Yɩɩla 136 - SEBR SÕNGO, 1998 bible

Yɩɩla 136

¹ [187†] Pẽg-y Soaala tɩ b yaa nin-noanga la b nonglma ka be sɛɛb ye.

²D pẽg Wẽnd sẽn ka be taare tɩ b nonglma ka be sɛɛb ye.

³D pẽg bũmb fãa Soaala, tɩ b nonglma ka be sɛɛb ye.

⁴Bãmb bala n yiisd bõn-bãna, tɩ b nonglma ka be sɛɛb ye.

⁵ [188†] Bãmb la yam bedr soab sẽn naana yĩngr teedã, tɩ b nonglma ka be sɛɛb ye.

⁶ [189†] Bãmb n kɩʋʋlem tẽngã n kõ-a yako, tɩ b nonglma ka be sɛɛb ye.

⁷Bãmb n yals bug-bɛda yĩngri, tɩ b nonglma ka be sɛɛb ye.

⁸Wĩndg la bug bedra rɩt a naam, tɩ b nonglma ka be sɛɛb ye.

⁹ [190†] Tɩ kiuug la ãds so yʋngo, tɩ b nonglma ka be sɛɛb ye.

¹⁰ [191†] Bãmb n loog ne Ezipt kom-dẽemsa vɩɩm, tɩ b nonglma ka be sɛɛb ye.

¹¹ [192†] Bãmb n sɛɛs a Israyɛl yembdo, tɩ b nonglma ka be sɛɛb ye.

¹²B nuga tʋma pãng la raoodo, tɩ b nonglma ka be sɛɛb ye.

¹³Bãmb n pasg Rudma mogre tɩ b nonglma ka be sɛɛb ye.

¹⁴La a Israyɛl looga nao koɛɛnga, tɩ b nonglma ka be sɛɛb ye.

¹⁵ [193†] Mog-kãng n yaool n lɛɛg dɩ Ezipt tãb-biisi, tɩ b nonglma ka be sɛɛb ye.

¹⁶Bãmb n yãag b buuda we-raoogẽ, tɩ b nonglma ka be sɛɛb ye.

¹⁷Bãmb n lub a Israyɛl zabd-n-taasã, tɩ b nonglma ka be sɛɛb ye.

¹⁸B luba dĩm dãmb sẽn tar pãense, tɩ b nonglma ka be sɛɛb ye.

¹⁹ [194†] Yaa Amonitsa rĩm a Siyõ, tɩ b nonglma ka be sɛɛb ye.

²⁰ [195†] Yaa Bazã dĩm a Og, tɩ b nonglma ka be sɛɛb ye.

²¹B reega rĩm kãens soolem n kõ b kamba, tɩ b nonglma ka be sɛɛb ye.

²²B reeg-b lame n kõ b sõgen, a Israyɛl, tɩ b nonglma ka be sɛɛb ye.

²³Tõnd pɛta pʋgẽ b tẽega d yelle, tɩ nonglma ka be sɛɛb ye.

²⁴B fãag-d-la bɛɛba nusẽ, tɩ b nonglma ka be sɛɛb ye.

²⁵B kõta rɩ-rɩt fãa a rɩɩbo, tɩ b nonglma ka be sɛɛb ye.

²⁶Yĩngr Wẽnda soog barka, tɩ b nonglma ka be sɛɛb ye!