Read SEBR SÕNGO, 1998 Yɩɩla 140 Bible Online

Yɩɩla 140 - SEBR SÕNGO, 1998 bible

Yɩɩla 140

¹Yɩɩlla bee yɩɩla naab sebrẽ.

²Soaala, fãag-y maam ne nin-wẽnga, zãag-y maam ne ned sẽn maand pãn-tõogo,

³ne neb sẽn segend wẽng m yĩnga, ne sẽn wat-b ne zaba, beoog sẽn vẽege.

⁴ [197†] B zelemda kʋʋda wa waafo, põeer zẽnem n be b noorẽ.

⁵Soaala, fãag-y maam nin-wẽng nugẽ, fãag-y maam ne sẽn maand-b pãn-tõogo, ne neb niyns sẽn baood m lʋɩɩse.

⁶Zẽk-m-meng rãmba n solg bẽdgo m taoore, m sora noore, b solga b wĩ la b gãmbre, b solga bãng sẽn na n sog-ma.

⁷M yeela Soaala: «Yãmb la m Wẽnde!» Soaala, kelg-y m koɛɛga sẽn leokd-y.

⁸M Soaala Wẽnde yãmb pãnga n fãagd maam. Zabra raare y lill-m-la m bɛɛba.

⁹Soaala da reeg-y bɛɛba kosg ye, da sak-y tɩ b zãmba wĩ paam n loe-m ye, ka rẽ b na maneg n paas b wẽnem.

¹⁰Bɩ m bɛɛba lɛɛg n dɩ b no-beeda taale.

¹¹Bɩ bug-saal widg b zugu tɩ b rɩ bugum b lʋɩ bog zulungẽ n da le tõog n yik ye!

¹²Gom-yooda rãmb kõn yals tẽnga ye, n paas pãn-tõog soaba la nin-toaaga, b rig-ba n yiis zĩig zãnga.

¹³M miime tɩ Wẽnd n na n dok nimbãan-ned sũuri, naong rãmb na n paama bʋʋm bãmb taoore.

¹⁴Bɩ nin-sõma wã kils y yʋʋre, Soaala, Bɩ nin-tɩrsa paam zĩig y sɛɛgẽ.