Read SEBR SÕNGO, 1998 Yɩɩla 141 Bible Online

Yɩɩla 141 - SEBR SÕNGO, 1998 bible

Yɩɩla 141

¹A Daviid yɩɩlle. M boonda yãmba, Soaala, wa-y tao n fãag-ma. M sã n boond-y bɩ y kelg-ma.

² [198†] M pʋʋsga dʋ tɩrga n ta yãmba, a rʋ wa tɩdar bug-zõose, n ta y nengẽ wa m zaabr kũuni.

³M noora ra yaag bada n togs beed ye, m goama fãa yɩ gũusg goama.

⁴Da sak-y tɩ m gom beed ye, da sak-y tɩ m kʋɩɩs m sũuri wa nin-wẽnsã n tʋm beedo, n bõn m to ye. Da bas-y tɩ b yam wẽnga long-m ye.

⁵M sakdame tɩ nin-sõng laal-m pegse, m sakda nin-tɩrs saglse tɩ saglg yaa nonglem kũuni, tɩ m ka rat n zãgs ye. M sẽn zãgsde, yaa nin-wẽnsa wẽnem tõog n zãag-m ne y sɛɛg yõkre.

⁶M da pa gomd ne wẽng tʋlsem ye, la m bɛɛba na wʋm neere, b sã n wa neẽ tɩ bʋ-kaoodba zut kuglemd ne pĩisi.

⁷Wala b sẽn mi n wedg bok tẽnga, Kɩɩmkulg me na n paka a kʋɩlensa yalengo a na n vela b kõaba sẽn weele.

⁸Mam yẽ wẽnemda m neng n tees yãmba, Soaala, m yõkda y sɛɛga, fãag-y m vɩɩm.

⁹Da sak-y tɩ bẽdga yõk-m ye da sak-y tɩ nin-wẽnsa wĩira gĩd-m ye.

¹⁰Bɛɛba bẽdg lɛɛg n yõk-ba tɩ mam paam n põse.