Read SEBR SÕNGO, 1998 Yɩɩla 142 Bible Online

Yɩɩla 142 - SEBR SÕNGO, 1998 bible

Yɩɩla 142

¹ [199†] A Daviid yɩɩlle. Yaa a Daviid koɛɛg ne Wẽnde a sẽn waa n be tãnga bokẽ.

²Soaala la m kaasd n boondẽ m tara wiisgu, n yõkd b sɛɛga.

³M wilgda m yãbra wõore, m wilgda m pɛta sẽn yaa a soaba.

⁴Y mii m sẽn nong n dɩk sor ninga, m daooda sã n mii n wa sɛ zãnga la y mii m bɛɛba sẽn gãnegd-m bẽdg ninga.

⁵Bãng-y tɩ ned ka m sɛɛgẽ n yet t'a toog bee ne maam ye. M pʋs n ka le tar zĩig sẽn na n solg ye la m yella ka le pak ned ba a ye ye.

⁶Yaa yãmb la m boonda Soaala, yãmb n lebg m fãa-fãa tẽng zug ka.

⁷Kelg-y m kosga neere. Ad-y m lʋɩɩ zãnga. Fãag-y-m ne m zabd-n-taase, b pãng yɩɩd-m-la wʋsgo.

⁸Yiis-y maam bi-beesa roogẽ tɩ m tõog n pẽg y yʋʋre ne sẽn ket n pʋgd-b yãmbã. La rẽ me la m gũud wa y kũun sõngo.