Read SEBR SÕNGO, 1998 Yɩɩla 15 Bible Online

Yɩɩla 15 - SEBR SÕNGO, 1998 bible

Yɩɩla 15

¹Yaa a Daviid yɩɩlle. Soaala, ãnda la y na n deeg y zakẽ? Ãnda n na n pa y tãn-sõnga zugu?

²Yaa ned ning vɩɩma sẽn tũud tɩrga, yaa sẽn tũud-a zemsgo sore, sẽn pʋgd-a sɩd ne a sũuri.

³A zelemd ka gomd yaar ye, a ka wat ne a taab bõne, a ka paoogd a taab ye.

⁴A mii sẽn beeg-b Soaalã n tog ne sãbsgo; a waoogda sẽn zoet-b Wẽnde. A sẽn pʋlem Wẽnd bũmb ning fãa, a pidsda a pʋlengo, ba a sã n mi t'a pʋlenga wata ne a meng bõne.

⁵A ka pengde n wa reeg roaglg ye, a ka reegd lagfo n bõn ned sẽn ka tar yell ye. Ned ninga sẽn vɩ-a woto vigla wa pĩiga.