Read SEBR SÕNGO, 1998 Yɩɩla 2 Bible Online

Yɩɩla 2 - SEBR SÕNGO, 1998 bible

Yɩɩla 2

¹Bõe tɩ zamaana yik n kɩrda? Bõe tɩ b yik n tar bʋrbʋre?

² [2†] Dĩm dãmb yẽsda b yẽsgo, kombɛɛmba sũuda taab n na tak zabre n na n zab ne Soaala la b sẽn tʋm a soabã.

³Woto la b gomda: «D kao bãeensã la wĩirã, n fugumd n yi b soolmẽ!»

⁴Sẽn dɩt-a naam yĩngra pusga laado, b laad-b-la a yeyn-ye.

⁵La wa n lebga mo-beedo la sũ-puuri, tɩ b na n sɩng yɛɛsgo.

⁶B yeelame: «Maam n yãk m dĩm n kõ-a naam. M vigla a naama Siõ, m tãn-sõnga zugu.»

⁷ [3†] Wẽnd sẽn togsa la m na n moone. La woto la Soaala togs-m: «Fo yaa m Biiga; maam n dog-foo rũnna!

⁸Yaag f noor n kos-ma tɩ m na dɩk bu-zẽmba zãng n kõ-fo, f naama sɩngda dũni wã sẽn sɩngdẽ n wa baas a sẽn baasdẽ.

⁹ [4†] Kut door la m na n kõ-fo, tɩ pãbr wʋm-ba, f pãbd-b lame n bõgse wa yagd laoko.»

¹⁰Dɩlla, dĩm dãmba, bao-y yam sõng n kõ y menga Bas-y tɩ b sagl yã, dũni wã bʋ-kaoodba!

¹¹Noog-y y sũuri la y waoog Soaalã, sulg-y meng bãmb taoor ne rigbu.

¹²Sak-y n deeg b zãmsgo. Ad-y b sũura sã n puugi, y yaa bõne; la b sũura tõe n wa yika vugr bala. Zu-noog soaba la sẽn na n soond-a bãmba!