Read SEBR SÕNGO, 1998 Yɩɩla 21 Bible Online

Yɩɩla 21 - SEBR SÕNGO, 1998 bible

Yɩɩla 21

¹Yɩɩlla bee yɩɩla naab sebrẽ. Yaa a Daviid yɩɩlle.

²Dĩma sũur noomame tɩ y pãnga labsame. A sẽn tõog a bɛɛba pids-a-la ne sũ-noog kãsenga.

³Ad-y y pidsa a sũur daabo, y reega a sẽn yaag a noor n kose.

⁴Yãmb barkã n deng taoore t'a zug paam naam pugla, n fõgen.

⁵A sẽn kos y vɩɩm, a paamame, a paama yʋʋm sẽn tong taab wogd-wogdo.

⁶A sẽn tõog a bɛɛba, a ziir kula yĩngr; y yeelg-a-la ne naam la faongo.

⁷Y pids-a-la ne daar fãa barka. Y zĩndig-a-la y taoore t'a sũur tosd kaam.

⁸Dĩma teega Soaala, bɩ Yĩngr-Soaala kãabg sẽn ka vaandã, maneg n vigl a naama goeele.

⁹Zɩsg-y y nuga bɛɛba fãa zugu, zɩsg-y tɩ b yubla wa põde.

¹⁰Y sã n lik tɩ bɛɛba yãend y nengã, yaa wa bugum n na n dɩ ba, tɩ sɩda y sũura na n puugame la a bugma na n widg n dɩ-b lame.

¹¹B buuda na menes baraar tẽnga zugu, baraar tɛk la b tɛka.

¹²B rat-y ne wẽng, n yik n maand sudum me, b kõn tõog n maan bũmb ye.

¹³Y lub-b-la b po-raoog zugu, la y sẽn yãag y tãpã n tees-bã, b neeme.

¹⁴Yik-y yã, Soaala, wilg-y y pãnga; tõnd me na n baoo yɩɩlle n kils y tʋʋm sõngã.