Read SEBR SÕNGO, 1998 Yɩɩla 24 Bible Online

Yɩɩla 24 - SEBR SÕNGO, 1998 bible

Yɩɩla 24

¹ [27†] Yaa a Daviid yɩɩlle. Soaala n so tẽnga ne a laogo, bãmb n so dũni wã ne a kẽedba.

²Mogra sʋk la b viglig tẽngã, n maneg n kɩls-a n yals-a kooma zugu.

³Ãnda n na n dʋ Soaala tãnga, ãnda n na n tɩ kẽ b ro-sõngẽ?

⁴ [28†] Yɩta nus sẽn pa rẽgem la sũ-tɩrg soaba, yɩta sẽn ka pʋgd-a wẽnga, kõn yɩ wẽen-faad soab ye.

⁵Sũ-tɩrg soab n paamd Soaala barka, n paamd b sõmblem la b fãagre.

⁶Nin-bãmb buud n baood Wẽnd zĩiga, nin-bãmb la a Zakoob kamba.

⁷Rĩm biisi, paks-y kʋɩlense, tẽnkʋdem-wẽnnẽ kʋɩlensã la y na n pagse tɩ d Dĩma sẽn pida ne ziira loog n kẽ.

⁸Dĩm kãng la ãnd soaba? Yaa bũmb fãa Soaala, bãmb la Dĩma sẽn pid ne ziirã.

⁹Rĩm biisi, pags-y kʋɩlense, tẽnkʋdem wẽnnẽ kʋɩlensa la y na pagse tɩ d Dĩma sẽn pid ne ziira loog n kẽ.

¹⁰Dĩm kãng la ãnd soaba? Yaa Soaala, yaa Pãng-Soabã, bãmb la Dĩma sẽn pid ne ziirã.