Read SEBR SÕNGO, 1998 Yɩɩla 40 Bible Online

Yɩɩla 40 - SEBR SÕNGO, 1998 bible

Yɩɩla 40

¹Yɩɩlla bee yɩɩla naab sebrẽ. A Daviid yɩɩlle.

²M zĩndame n gũ Soaala; b kelga m sẽn beẽ la b wʋma m kɛlenga.

³B yiis-m-la bog zulungẽ, b buk-m-la begd sẽn tagmẽ. B le yik-m-la yĩngri, m karg teega pĩiga, m kẽnd le yaa sõmbo.

⁴Yɩɩn-paalle la b ning m noorẽ, m Wẽnnaama pẽgr yɩɩlle. Wʋsg na yãende n woog b yɛlã, n lɛɛg n kẽ la b teeg Wẽnde.

⁵Zu-noog soaba la sẽn teeg-a Soaalã, n ka wẽnemd a neng n tees wẽn-naand ba a ye, n ka bao sõngr zirẽ-be-rãmba nengẽ ye.

⁶Ad-y b labsa, Soaala, yɛl bɛda la bõn-bãna y sẽn maan m yĩnga! Y ka tar to ye. Bõe la y pʋs n pa maan d yĩnga? M datẽ lame bala n pord-ba m noorẽ, la labsa.

⁷Yãmb sẽn nong bũmb ningã, ad-y ka maoong bɩ kũun ye, y sõng-m lame tɩ m wʋm rẽ vẽenega. Y pa kos-m yũ-noog bɩ sugr maoong ye.

⁸Dẽ la m yeel yã: «Ad ma, m wata m toore. M tol n zãada y sebr m nugẽ,

⁹ [40†] la m dat n tũ-la y raabo, m Wẽnde, m data ne m sũur fãa n tũ-a zãnga.»

¹⁰M zĩnda kʋʋnga sʋka n moon y sõmblem, wala y sẽn mi Soaala, m ka sĩnd m noor ye!

¹¹Y sẽn zãad-m neerã m pa solg rẽ m sũurẽ ye. M moona y sẽn pʋgd n tar-m fãagrã, m pa solg y nonglma la y sɩdã, m sẽn kẽ kʋʋnga sʋk fãa ye.

¹²Soaala, y pa tol n zãag y nimbãan-zoeera ne m ye. Y sẽn pʋgd-m ne nonglem sɩdã n fãagd-m daar fãa.

¹³Yɛl sẽn ka sõor n da yik n na n lim-ma. M yel-wẽna wulumd-m lame n loog ne m pʋtẽere. B sõora yɩɩda m zuga zoobdo, m pãnga zoe sɛɛ zãnga.

¹⁴Soaala, sak-y n fãag-y-ma. Zoe-y n wa tao-tao n sõng-ma!

¹⁵Kɩt-y tɩ sẽn baood-b n na n menes m vɩɩma naag taab n zʋʋl ne yãnde! B tar n leb poorẽ ne paoore, sẽn baood-b maam ne yel-beedo!

¹⁶Bɩ yãnd pʋg-ba, n dɩ-b zãnga. Bãmb n yaool n da kẽnd la b maanẽ: «N-faa, n-faa!»

¹⁷ [41†] Yãmb yĩng bɩ b kɩdem sũ-noogo, Soaala; neb niyns fãa sẽn baood-b yãmbã, kɩdme! Yãmb fãagra sẽn noom b rãmbã talla toagsg bala n ka wʋʋsdẽ, la b yetẽ: «Soaala yaa nin-kãsenga!»

¹⁸M yaa nin-bila la naong soaba tɩ Soaala tẽegd m yelle. Yãmb la m sõangd la m fãagda. M Wẽnde, da kaoos-y ye!