Read SEBR SÕNGO, 1998 Yɩɩla 41 Bible Online

Yɩɩla 41 - SEBR SÕNGO, 1998 bible

Yɩɩla 41

¹Yɩɩlla bee yɩɩla naab sebrẽ. A Daviid yɩɩlle.

²Zu-noog soab la sẽn tẽegd-a nin-koam yelle! Yẽ me sũ-beed raare, Soaala na n fãag-a lame.

³Wẽnd na n kõ-a-la vɩɩm noog tẽng zugu. Soaala kõn bas t'a bɛɛba tõs-a ye.

⁴Sẽn tẽegd-a nin-koam yell sã n gãee ne toogo ad-y Soaala-Wẽnd n ya ye me sõangda, n wat n lebgd-a a gãaga zugu.

⁵Mam yẽ da gomda woto: «Soaala, zoe-y m nimbãanega, sãoog-y-ma tɩ sɩda maam n beeg-y.»

⁶M bɛɛba wɩt-m lame la b maanẽ: «Da-bʋr la a na n ki t'a yʋʋr meneme?»

⁷Bɛɛba nin-yend sã n wa n na n ges-ma, a watame bala n na n paam n yi n wɩd-ma. A wat n tigsa a zirẽ-beedo la a sã n yi, dẽ bal n be a noorẽ t'a tar n gomda.

⁸Dẽ la bɛɛba na n sũ taab n wa. B na n walma taaba b na geela b gɛɛla n yetẽ:

⁹«Ad-y yaa bã-yoog la a bẽeda. A rʋ-la a gãag la a kõn le sig ye.»

¹⁰ [42†] Zoa ning m sẽn da nong n yɩɩdã, mam pʋg sẽn da peel ne a soabã, sẽn da naagd-a maam n dɩtẽ wã menga, zẽka a nao-kãsen-kãare, n na n tão-ma.

¹¹Soaala, yãmb yee n maan sugri, tɩ m yik m gãagẽ wã m me paam n dok m sũuri.

¹²Ya woto la m bãngd tɩ y be-la m poorẽ m sã n mik tɩ m bɛ wã ka le tãoosd raoodo.

¹³Zãag-y m zug ne yelle tɩ m paam zĩig yãmb sɛɛgẽ.

¹⁴ [43†] Bɩ Soaala, Israyɛl Wẽnda, paam barka zamaan sẽn ka sɩng n ka be sɛɛbo! Ami! Wẽnd na kɩt tɩ yɩ boto!